لو كان حبيبك بجد

كل مرة أحاول أبعده عن أسوار أيامي

وأقوله ليا حبيب راجل جوه القلب حبيس

يقول لي انسي أنا بس المستحق لقلبك الكبير

غيري عمره ما يقدم لك البيت الحنين

ولا دفء قلبي المغرم بروحك أنتي

قبل أي شيء تاني مادي يا عمري أنتي


عمره ما يكتب عن همومك

 يقلق على سهرك ونومك

أحداث حياتك ويومك

يقول لي افهميني واسمعيني

لو كان حبيبك بجد

كان حماكي من حزن عنيكي

وأوهام خانقة كتاباتك

وخوف قاتل لحكاياتك

كان وهبك أمان حياتك

وثائق عفو لماضي حياتك

كان منحك فرحة العمر بيوم زفاف

سماكي باسمة زوجة مش مجرد حبيبة أو عشيقة

في الضل تتخفى أحلامك معاه

فوقي يلا

 أنا الحبيب الحقيقي

أنا شريك عنيكي

أنا الأمان اللي مستنيكي

أديني فرصه وهتشوفي بعنيكي


إنجي.مطاوع

 

دي صفحتي

https://www.facebook.com/Enjy.A.Metawea

ツ خيال ツ وحكي ツ ليل ونهار ツ

ودي مدونتي

http://enjymetawea.blogspot.com/

خيال وحكي ليل ونهار