مصير 3 #حوليات

اليوم وغداً يومان مصيريان 

فبكلمة واحدة قليلة الاحرف ستحدد مصير امة كاملة 

(نعم) او (لا)
(ثلاثة احرف) او (حرفان)
بداخلهم حياة كاملة لفترة طويلة قادمة 


هذه احد العاب المصير معنا وهذه هي الحياة فانظر ما أنت فاعل؟؟!!

مصيري #حوليات

المصير

جُل ما أفكر به حاليا هو امنية من صميم قلبي بالا يرتبط مصيري بيوم من الايام ببشري مهما واينما كان

المصير1 #حوليات

عزماكم على فنجان قهوة مظبوط اتفضلوه مع كلماتي :)

المصير

= = = =

المصير..

كلمة كبيرة جدا، بمعنى أعم وأشمل، 

شيء كما بحر هادرة هائجة أمواجه نسبح به..

المصير..

ما سبيلنا معه؟، كيف النجاة منه؟

أهُناك بالفعل سبيلاً لنجاة مما سطره لنا؟

المصير..

قَدرِ هو أم طريق نخطه يوميا بأيدينا وما نفعله بتصرفاتنا وسلوكياتنا اليومية؟

هو بذرة زُرعت، لتُروى بمعتقداتنا ومبادئنا وما ننفذه فعليا منهم لتنمو وتزدهر..

المصير 

طريق شائك جنباته، مؤلمة أحداثه، تعطره أحيانا روائح غثيان الدماء،،

لكن أيضا أجوائه ملئ بذرات اللؤلؤ، تفوح منها رائحة الزهر ونسيم البحر..

المصير..

كيان مادي وروح لشبح وطموح، أنه أنا بهذه الدنيا، في طريق رسم،

أصِلُ معه لنتيجة مُقدرة للنفس، لا يغيره غير دعاء من صميم القلب والروح.

السبت 9.26 ص

11/1/2014م

لفي بينا يا دُنيا #حوليات

ما هي المشكلة اننا
عايزين حد عايز غيرنا
وغيرنا عايز غيره
وغيره عايز حد غيييييييييييير
والغييييييييييييير بيلف ويدور على حد تاني غير
ولفي بينا يا دُنيا، ورجعينا يا دُنيا
وهيييييييييييي
نفسي امسك بداية خيط الدنيا يمكن اعرف اظبطها وامشيها صح

بداية مهلكة #حوليات

دي حاجة بحاول اكتب فيها حاجة بالنسبالي صعبة شوية في الحياة كتبت وسبتها تاني قولت انشرها يمكن افوق واعرف اكملها زي منا عايزة


====

قصته أنه يوما تعب من الأيام، من زمن يحوي مصائب متتالية تحل عليه، تغتال بقلبه فرحه عين وشفاه، تسلب منه صفاء ونقاء كان يتمنى لقائه، خارت قواه في مقاومة تقاليد باليه تحرمه من حب العمر، تهديه دوما آلام وآلام، وكأنما خلق ليتجرع كؤوس الحرمان صباحا ومساء، تصدمه في أهل وأقارب وخلان، تسرق منه ورود وزهور ريعان شبابه لتلقيها على أرصفه حرمان وآهات، ...

لذا أتخذ قرار عقلي، بالتخلي عن إيمان مورث بقيم ومبادئ معروفة، أعلن للبشرية نبذه لما يُلَقَن من تعاليم تمارس دون عقل أو استيعاب، قرر تنازله عن حياة يراها صماء بلا منطق، واختيار حياة تحرر وحرية يحكمها عقله ولا احد أخر سواه، قرر نبذ الدنيا والعيش داخل ذاته

بداية جديدة #حوليات

هبدء بان الصورة دي هدية فرحة قلبي جدا هدية من اخت غالية جدا عليا امل زيادة الكاتبة المتالقة ديما والمصمم عمر عباس او سوبر عمر زي ما بيحب اتمنى ان اقدر في يوم افرح قلوب كل الناس اللي فرحتني في يوم من الايام 

نقول ايه عن البدايات النهاردة

هو في بداية احلى من ضحكة طفل في وشك صباحا وانت وسط همومك غارق وفي ثانية تلقيك بتحل فيها مش عايم وسطيها


طب هو في احلى من شمس بتضحك وتنور كل يوم جاية ومعاها امل وبداية جديدة مع كل نفس بتتنفسه


ولا في بداية احلى واجمل من فرحة قلبك بحبايبك ومعارفك اللي محوطينك وقبلينك بعيونك قبل ميزاتك


بداية ايه

بداية روح
بداية نفس
بداية انسان
بداية كيان
بداية حياة
بداية وبداية

كل يوم وكل ساعة وكل ثانية في بداية يليها بداية وبداية

البدايات #حوليات

 

 

هذا الاسبوع التدوين عن البداية 

بقالي ساعة مركزة مع نفسي لقيت عندي بدايات كتيرة بما اني انسانه متقلبة بحكم برجي الدلولي :)

فانا هوائية متقلبة مزاجية مودية جدا 

 

عندي بداية الكمبيوتر وبدء ادماني له منذ ان كنت في الثانوي العام (ده من زمان اوي ع فكرة بس مش هقول امتى) 

 

وبداية اني اشتغل مدرسة وانا الكارهه لهذه المهنه ومن يعمل بها (عقدة شخصية بقى) وسبحان الله تركتها بعد عامين وانا عاشقة لها لكن الظروف وقتها لم تتح لي الاستمرار بممارستها وخلال عملي كمدرسة كانت بداية تعلم الكروشية واللي عشت فيها فترة كبيرة اعمل مفارش بلوزات فساتين اطفال لبنات صحباتي والتي مازلت امارس مهامها الشيقة الى الان لانتقل بعد التدريس الى بداية جديدة 

 

 

بداية العمل كسكرتارية وهي من الاعمال التي كنت ابغضها ايضا ولكني والحمد لله بشهادة الجميع صرت الموظفة المثالية على مدار سنوات وسنوات حتى صرت مديرة مكتب لعميد المعهد الذي كنت اعمل به لاتركة بعد 12 عام لانتقل لبداية اخرى 

 

 

وخلال عملي بالمعهد كانت بدايات لاشياء كثيرة اهمها كتاباتي واعلانها للعلن لترى النور 

 

 

بداية عملي محاسب الكتروني في مصنع اغذية قطاع اعمال عام (حكومي) وبرغم اي شيء ادين له بانه ما اتاح لي فرصة بداية اكثر تشويقا

التدوين بكثرة الاشتراك في حوليات ثم بدء خطوات ايجابية لنشر اول كتاب يصدر باسمي " يا أنت.. أنا" والصادر عن دار ابداع

كل يوم هو بداية جديدة وكل اشراقة شمس هي فرصة بحياة جديدة

وجاءت ام اربعه واربعين اقصد 2014 :) ربنا يستر #حوليات

وأخيرا جاااااااااااااااااااااااء 2014


بوم بوم بوم

بوووووووووووووووووك طاخ طوخ طاخ توخ بوم بوم


ههههههههههههههههه

معلش بقى بحاول اتفاؤل بالخير لاجده


االهم اجعله من خير الاعوام التي مرت علينا

يارب يارب يارب

داوي جراحنا وعوضنا خير مما فقدنا وارزقنا خير مما نتمنى به وفيه

اجمل ما في 2013 #حوليات

الأفعال دوما هي الكفة الأخيرة المرجحة للميزان

السنة دي بصراحة عندي ناس كتير ساعدتني 2013 بجد كانت أصعب سنه ورغم ان فيها كام حاجة حلوة بس اغلبها أجاركم الله

Hanan Elzawawy

أنتي عارفة عايزة أقول إيه ومش هقولة عشان فكرتك باني باردة تفضل ثابتة مبحبش أخيب أمالك فيا :) حنوووووووووووووووووووونه

@Ayat mohy

من الأخر كده قررت افرق بينك وبين اسر أموت واعرف اشمعنا أنتي أول ما يسمع صوتك البوس يشتغل ده أنا بفضل أتحايل عليه واعمله اللي هو عايزة ويوم ما يتكرم عليا يوافق إني أنا ابوسه هو لاء :( اععععععععععع بالآوي بقى

شيماء مصطفى

ومنى موني

بجد انتم من الناس اللي قلبها ابيض وصافي وفرحانة أوي ان موجودين في حياتي

@أمل زيادة

 بصراحة دخلتي حياتي في فترة صعبة ومن يوم ما عرفتك وأنا تعباكي معايا مش عارفة أشكرك على المدونة ولا الحوليات ولا تدويرك معايا على دور النشر ولا نصايحك المستمرة بجد أتمنى اقدر في يوم اردلك جزء صغير من حنيه قلبك الكبير ده

Ahmed ramy

بجد مش عارفة أقولك إيه رغم إننا مش بتابع كتابات بعض أوي وديما مشغولين بس ديما في مواقفي الصعبة بتكون أول شخص مواسيني بتمنالك في العام الجديد تحقيق لكل أحلامك وبأحلى وأفضل أسلوب كمان

Ahmed elnhas

بص بقى كفاية الخدمتين بتوع أمبارح تسلم يا فنان عقبال فرحتنا بديوانك عن قريب ان شاء الله

أكد أهم شكر ليك ان حضرتك عملتني منسقة كتابك الجديد فراشات عاشقة مع إني مجرد اسم جديد لسه بيحاول يدور على فرصته وباقي الشكر نخليه مرة تانية بقى

سامح مختار الشاعر وسامح مختار اللي مش شاعر بتلخبطوني والله انتم الاتنين :) بحب اضايقكم انتم الاتنين منا واثقة أنكم مش هتزعللوني على رأيي اسر

هدى طبعا بس بتمتحن يارب يوفقها نسبها في حالها شوية تركز

أستاذ هشام زكريا وشيرين حاتم وأستاذ فتحي عبد العاطي وأستاذة فاطمة العبيدي مش عارفة اقول عنهم إيه كفاية ان مفيش مرة طلبت منهم طلب ورفضوه ومتبنيني أدبيا

أستاذ علاء سعيد الشاعر وأول من وثق بكلماتي ونشرها لي من بعد ولاء عزوز بس ولاء كانت صحبتي فبيكون في عشم إنما لما حد ميعرفكش شخصيا ينشر لك إحساس تاني بجد رهيب ولذيذ جداااااا

سعد المسعودي علمني أزاي اظبط الخواطر بشكل حلو رغم ان تعليقاتك كتير بتكون صعبة بس شكرا شكرا

احمد عبد العليم كل ما اكتب حاجة واسأله عن رأيه يقولي هو أنتي فكرتي في فادي أو أنتي متأثرة بيه :( طب لا تعليك بقى إيه رأيك يا كبير بس بصراحة بحب طريقة تفكيرك لما بحب أتكلم بعقل بحب ادخل معاك في نقاش عقلي

تصدقوا اكتشفت ان 2013 كشفت لي ناس كتير وقربتني من ناس كتير رغم إني معرفتش اكتب اغلبهم 2013 تستاهل أحبها شوية صح

في ناس كتير اوي اوي كمان في هنا في المدونات استاذة لبنى وافكارها كل اسبوع بحس انها بتنشط بجد افكارنا كلنا واسماء خليفة اللي مغلباها معايا وتعليقاتي ديما وناريا ناريمان انا مقتنعه بنسبة 99.99 % انك فامبير ع فكرة لو كده تعالي زوريني مش هتخض منك لا تقلقي ورانيا صلاح البنوته الشقية بحب تدويناتك يا عسل مصفى انتي وفاروق :) السياسي المتفلسف

ربنا يرحم من مات وربنا يرحم من مازال على قيد هذه الحياة

ربنا يرحم من مات وربنا يرحم من مازال على قيد هذه الحياة

ودع ورحب #حوليات

بيقولك ودع اللي فات

ورحب بالجديد


هو انا لو

كنت عارفة كان ده بقى حالي


اشكو اليك يا الله

هذه هي المعضلة.#حوليات

هذه هي المعضلة.

يقولون ودع الماضي ورحب بالقادم، فهل تعيش سعيد لو كُنت للماضي أسير مُكبل بقيود الحرير؟؟!!

يقولون ودع ما مضى واستبشر بالجديد، فهل نقدِرُ على فعل هذا الأمر الخطير؟؟!!

يقولون ودع ما فات وهلل لما هو آت، فهل نحن مهيئون يا له من مصاب جلل بالنسبة لطفل غرير؟؟!!

يقولون..

ينصحون..

يوجهون..

يرشدون..

يطلبون..

ويأمرون..

فهل فعلا لدى القدرة على توديع ما فات والترحيب بما هو آت؟؟!!

سحقا.. سحقا فتلك هي المسألة.. وهذه هي المعضلة.

وداعا 2013 ومرحبا 2014!! #حوليات

وداعا 2013 ومرحبا 2014!!

* * * * *

وداعا 2013 بكل ما حدث فيك، وداعا يا رفيق 365 يوم وليله، وداعا يا من أفرحني بشدة، وأبرحني حزنا وضعفا حتى النخاع، وداعا يا عام الظلم، يا عام كره تشعب وتبلور كزجاج مكسور بالنفوس، وداعا يا عام الآلام، يا من فيه سعدت بفرح كبير.. وبالمقابل.. جرح قلب وكسر خاطر وفراق لأحبه كانوا سكن ومقر للروح، يا من أشبعنا ضربات على الظهر حتى قصمها.

مرحبا 2014 أرجوكِ التلطف بنا فأخاكِ 2013 أبرحنا ألما.. قسوة.. عنف.. وقبح نتأ جراحنا مرارا ومرارا رغم ما حاوله لتجميل أيامه ولياليه، هلا زينتي أحزاننا بقليل من فرح أيام وليال قادمة أتأمل فيكِ الكثير والكثير فهلا أتيتِ سريعا، القلب معكِ مُفعم بالأمل والتفاؤل والطموح، هلا داويتِ قليلا أحزاننا، جراحنا، عالجتِ الروح المشردة بين فجائع أفعالنا.

وداعا 2013 ومرحبا 2014 اعلم يقينا بان الذنب ليس بيدك 2013 فما أنت إلا كائن خلق من رب حنون، وأنْا نحن البشر من ظلمنا أنفسنا، قتلنا بعضنا البعض، مارسنا إرهاب القلة على أغلبية ساكنه، ومارسنا ضغط وتجبر أغلبية على قلة عزلناها، ليُسَلطوا على نفوسهم قبل نفوسنا ، لذا أتلمس منكِ 2014 محاولة محو شوائبنا ورماد حرائقنا.

وداعا 2013 ومرحبا 2014 ورفقا بنا يا رفاق العمر والدرب.

السبت 28/12/2013م

10.47 ص

... #حوليات

الكمال #حوليات

الكمال كلمة صعبة لاحساس ووصف وحالة اصعب
حاليا اشعر بالكمال في كل ما حولي عندما اغرق بين طيات كتاب

ملك الموت #حوليات

ملك الموت بحصد في الأرواح ، عايش بتنقل بكل راحة وبراح ، قدر ونصيب عمر ومقدر ، مش محتاج لسؤال وجواب ، للميت راحة ونعيم ، يا رحلة لجحيم وعذاب  ، لينا قسوة وفراق لبعاد أحباب ، ما هو لكل بداية نهاية ، ولكل نهاية بداية ، ولكل موت ولادة ، وبين هذا وهذه ، حياة كاملة ، سرد لرواية ، كتابة حكاية ، وقصص مروية ، وتتبع لحياة، خط سير نتبعه ، فيها مسيرون ، في حدود مخيرون ، ولما خلقنا له ميسرون ، بكتاب عليين ، بالأرض الولادة والبداية ، وبالسماء الحساب والنهاية ، بداية النهاية ، لدنيا فانية ، ونهاية البداية ، لآخرة متمناه.

هي دي كل الحدوتة ، وتوته توته فرغت الحدوتة ، مش نهاية عربية ولا هندية ، دي نهاية بأيد رب كريم ربانية ، طريقين مفيش تالت نار وجنة ، وأنت وعملك يا عبد وربك ورحمته ، واهي نهاية جواها البداية ، وبداية متعشق فيها النهاية ، وتدور الدايره ، وتلف الدنيا ، والحيرة والتوهه في سنينا عايشه ، لا هي بتوقف ولا بأيدينا في الترس نثبت ، ولما تركز تلاقي مش كل حاجة في الأساس هي دي طبيعتها ، ولا كل أبيض في الأساس أبيض ده لونه ، ممكن بكل بساطة يكون وش بويه ، شوية نار ويرجع أسود لأصلة.

أبو الهول نطق #حوليات

يلا سلام أشوفكم بخير

وبكرة من تاني نشوف الدنيا فيها إيه

ده أنا من اللي شفته في البلد

وقعت نمت من التعب

دي بلد فيها العجب

وكل يوم مغطيها الزهق

فيها اللي عامل شيخ

واللي عامل متعلم محترم

وهما تعليم خليط هجين

قسموا البلد ما بين

شريعة أو قلة أدب

والحكاية ببساطة

حاكم ضعيف

وقعه الأحبة

قبل المعارضين

ويرجعوا يقولوا

أبو الهول يا خواتي

نطق :)

لف وأرجع تاني #حوليات

" لف .. وأرجع تاني " ، بصراحة ده ملخص قانون التظاهر الجديد ؛ " كمااا .. كُنت" ، " مفيش تظاهرات النهارده عددكم كبير" ؛ " المكان محجوز من شهرين لتظاهرة تانية مكونة من عيلين ونص" ؛ " مليش مزاج امضي على ورقة المظاهرة " ؛ " روح يبني هات ورقة من أتنين موظفين انك مؤهل نفسيا للخروج في مظاهرة " ؛ " أنتي يا بنتي روحي جيبي باباكي يمضي على موافقته تضربي في المظاهرة الجايه " ، " أقف في الصف يبني المظاهرات يمين والشكاوى شمال ".

 

مش مقتنعة أن كل ما الناس تتخنق من البلد واللي بيحصل فيها عشان تعترض تروح تمضي ورقة من الباشا مأمور القسم ، هو اللي حصل في ثورة يناير ومن بعدها يونيو إيه ؟؟!! ، كان تظاهر قلب بثورة شالت الريس ؛ يا حبيبتي يا ثورة ، مكنش يومك يختي ، دبحوكي وبيقطعوا فيكي حته حته ، كل شوية حد ينط ؛ يتنطط ويلعب وشوية ينسى نفسه ؛ ويقولك أنا حامي حمى الثورة المجيدة ، خلصنا من أتنين مش واحد مجلس عسكري فاشل ورئيس أُنِتِخَب وأثبت ضعفه ، ومع ذلك محدش بيحرم ، من تاني بدأت العفاريت تظهر تتنطط ، ويقولك بحمي وبحافظ.

يا سيدي أحمي نفسك أنت بس الأول ، كبيرك أسبوع ويانا وهتشوف أيام سود ولا قرن الخروب ، هتقول الدستور وتنزلوا تقولوا رأيكم ، هيييي ضحكتني بالآوي ومليش نفس بصراحة كان غيرك أشطر ، مش كان في قبله واحد وقال نفس الجملة والدنيا أتقلبت وقولنا مينفعش ، قالوا عادي قولوا " نعم " وبعدين يتعدل كل ما هو مخالف ومش عاجب ؛ ونعمل دستور يعجب الكل ؛ وراحوا هما وأيامهم .. وراح هو كمان.

هو إحنا بنعيد تاني في نفس الكره ، ونلف نلف في نفس الدايرة ، جرى إيه ، صحصح .. فوق يلا شوية معانا ، مش بنعيد في المشروح من تاني ، قولت تظاهر متاح لكن ... بشروط ؛ لا بجد وهو انت لما الناس خرجت وقلبت الدنيا كان خروجها مشروط.

تقولي أنتي مبتخرجيش مظاهرات ولا عمرك خرجتي ولا ناوية تخرجي ، بتتكلمي في إيه وليه ، أقولك ده حقي صحيح مش بعمل بيه لكن ده مش معناه سيادتك تسرقه مني ، تقول تاني ده وسيلة لحماية البلد من الفوضى والعنف المتزايد الأيام دي ، أجوبك بأن معاك الحق والسلطات تعاقب بيها المخالف لكن مش مبرر تمنع المظاهرات أو تقننها بطريقتك وعلى مزاجك ، الموضوع شبة أم خايفه على أبنها من البرد حبسته في البيت وكل شوية تقوله خد أدوية مناعة في الأخر مناعته أدمرت بسببها مش بسبب كائن خارجي.

بدأت أقتنع أن الكرسي فيه مادة بتسمم كل من يقرب منه ويقلب له كيانه وينسيه إزاي وصل ؛ ويبدأ يتفرعن " ما هو قالوا زمان يا فرعون مين فرعنك قال ملقتش حد يلمني " واللي افتكرته موسى طلع فرعون " عجبت لك يا زمن ، لا .. لا الزمن ملوش علاقة عجبت ليك يا حاكم متفرعن على محكوم ؛ ويارب يارب تموت .. وقال إيه تظاهر "متاح بشروط" .. "لف وارجع تاني يا كتكوت" ، " أحذر الدماغ ترجع للخلف".

الأربعاء 27/11/2013م

... #حوليات

عندي صداع مش نافع معاه اي حاجة وبالتبعية كل وسائل الاحساس المتاحة للابداع تم ايقافها جبرا :(

اريد النوم رغم رائحة قهوتي #حوليات

اريد النوم وبشدة وبعد ثالث مج مش فنجان قهوة مازلت اهيم غراما في السيد نوم ااااااااااااااااه يا ربي ضاع تاثير رائحة البن المحوج ليتحول الى منوم ساحر للاجفان لانام في مكان عملي بكل استمتاع

عطري المغتال #حوليات داخل اطار النص

= = = = = =

عطري المغتال لواقع أيامي وآلامي ليس بالفواح ، هو عطر ليس غال الثمن بتركيبات خاصة أو سرية تأسرني معه ، أو عطر باريسي أخاذ للأنفاس ؛ لكنه عطر خاص بمجرد رشه واحدة يجعلني أذوب هياما وغراما مع حبيبي المجهول.

يدخلني معه عالم أحلام لذيذه شهيه ، فأتخيله يراقصني يداعبني بالكلمات ، يغنيني حرف وكلمة داخل موجات الهمسات ، أحضان دافئة تغمرني معه بدائرة الأفراح ، أحلام وخيالات ممتعه تحبسني معه بصندوق الدنيا ، لتشدو فيروز وتليها نجاه وأحيانا سيلين ديون فهو مغرم بألحان الغرب الهادئة الأنفاس ، المحه يراقب حركاتي سكناتي لينتهز فرصة قرب ليضم برودة أجزائي بدفء ثناياه.

آآآه من عطر يقتلني قبل أن يقتلني حبي ، وآه من إحساس يدغدغ أحلامي وينطلق ليعيش ويعيث فسادا بمخيلتي وحتى بقلمي ، إحساس ومشاعر تنثر ما اختبئ بروحي وقلبي من همسات ونبضات آلام وحدة فرضت بالجبر على أنثى تَسكُن خلاياي ، آه منك يا من تسلب وقاري وجمودي الظاهر للعلن وتعريني أمام من يقرأ كلماتي.

يا عطري يكفيك تفاخر بذاتك وبقوة تأثير ذراتك تلك ، فما أنت إلا مخدر ينسيني للحظات ظلمة ليالي ، لا تتنطع فرحا بما تفعل فبيدي قد اغتالك وأرميك بأحد أدراجي ، أو قد أتهور وألقيك خارج شرفة أحلامي ، نعم ألقيك بطريق عام لتعيش بشارع دنيانا الباردة ، وأحرمك مشاركتي أحلامي وأحضاني الدافئة مع فارس سنواتي.

السبت 23/11/2013م الساعة 9.47 ص :)