ازاي وليه #حوليات

أزاي ولية

حاجات كتير ما بينا تهم

نكون سوى شيئ مهم

ما هي الدنيا إيه

غير إننا نكون سوى

تلمس أديا شيء مهم

توعدني بقرب شيء مهم

تحبني أكيد مهم

تموت وتعشق عيوني مهم

إياك تقول أزاي وليه

ومش مهم أية مهم

وأنت معايا كل شيء

أكيد مهم

الفرحة #حوليات

الفرحة

من جوه قلوبنا مسروقة

وكأنها

بخيوط الحزن ملضومة

تشاغلنا

وتجري في ثانية

تلاعبنا الأوله ( الحجلة)

نطة يمين وتانية شمال

وفي غمضة عين

تروح من بين صوابعنا

الفرحة

ملك للسيرتون

مختفي وفجأة يظهر قدامك

جبار وقوي

يغير كل حياتك

ومن تاني

يختفي وحياتك

الفرحة

وردة وزهرة برية

ملهاش لا عزيز ولا غالي

تروح للي تحبه

تحب تلاغي وتشاغل

الفرحة

طفل بريء

عايش بمزاجه ورايق

لهموم الدنيا ولا داري

الفرحة

قوس ألوان

في حضنه نلعب وننام

وفي الأول والأخر

الفرحة إحساس جوه الإنسان

الثلاثاء 21/5/2013م الساعة 11 ص

نزوة #حوليات

كتباها من زمان بس لقيت انها مناسبة كاحد حقائق الحياة الكثيرة جدا التي نتعايش معها ونعيشها

نزوة

= = = = 

مجرد نزوة وعدت تضيع وقت

لحظات عابرة وياه راحت ضاعت

مشاعر واهية فراغ نملاه

قصر خيالي بنيت بهواه

أحاسيس ومشاعر خايبه وغدارة

خدتنا حتى من نفسينا بكل مرارة

وفجأة فوقنا وورانا دماره واقعنا

دمعنا وبكينا وموتنا جوه نفسينا

واهو طلعت مجرد نزوة لمزاج عالي

تضيع وقت لما يفرجها علينا المولى

شوفت مره دنيا هبيله #حوليات

شوفت مرة صورة غريبة

عيني بكت بسرعة دقيقة

ثم .. عادي عشت الحقيقة

كملت بعدها ..

ولفت الدنيا الهبيله

دورة واسعة وكاملة

تملى حياتنا خانقة

دورنا وياها ف ثانية

فقتلت جوانا البراءة

عمايل فتنه واشتغاله

عصرت جوانا المحبة

والإخلاص ويا المودة

وف الطريق قتلتنا بهداوه

لما سبنا عيالنا للمهانة

جنود شباب كله فداهية

حتى منهم البت زينه

 لكننا المرة دية ....

قومنا بسرعة انتفضنا

قولنا لازم إعدام وميتة

للي كانوا سبب الجريمة

 ومن تاني ننسى الحكاية

ونرجع لقواعدنا بكسره وهده

أصلنا اتعودنا الموت والبهدلة

وعليهم رشه مهانة ومذلة

الأحد 24/11/2013م الساعة 9.45م

تيجي تصيده يصيدك #حوليات

تيجي تصيده يصيدك

قالها

حكيم

زمان

وأنا حاولت أصيد

الحب

الفرح

والهنى

 لكن للأسف صادني هو

ورماني

هجرني

فارقني

وسبني تاني للوحدة والدموع

ما هما قالوا تيجي تصيده يصيدك

مش ملاك #حوليات

مش ملاك أنا ولا منزل من السما

إنسان طبيعي عايش بينكم هنا

الدنيا شكلتني وربتني بالآوي

تحاسبوني ليه كملاك مفتري

بغلط احتمال وارد مش بطل أنا

فيها إيه بشر بالمختصر إحنا كلنا

حبيت ومقدرتش أصون حبها

حبيت ورحت لتانية أتجوزنها

بعشقك يا سبب جنوني قولتها

ما كنت أد وعدي لكن وعدتها

الحب لعبة معشقة جوه أيامنا

تفوت وننقل لغيرها بدورة حياتنا

الحب مشاعر نجري نجربها

شوية ونتعب ما نتحمل لهيبها

قولولها حبي غيره وللدنيا عيشي

حبي بالعقل لمنتهاه وحياتك كملي

ما كتير بتحصل وبجد عادي

مش ملاك سيبوني ف حالي

إنجي مطاوع