مناقيشي

طول عمري نفسي اتجوز راجل عقل دماغ مثقف في الاخر هاقعد راسي براسة ومفيش ورانا حاجة غير المناقرة والخناق يبقى على الاقل مثقف يعرف يفرسني بعقل ويخرسني بشياكة وعلم
.
.
بس لما اسمع التسويق ده لعبه وهنعمل نشاطات متنوعه ونعلم اولاد الشارع القراءة ومحو امية الكبار
.
.
.
اه بص اعتقد ان القاعدة من غير جواز بقت مضمونه مليش في الكلام ده كله انا مالي انا كبيري اقعد مع نفسي اكتب يا حاج
.
.
‫#‏بيقولوا_عليا_مثقفة‬

‫#‏متعلمه_مش_مثقفة‬

‫#‏هناك_فرق‬

‫#‏ماما_هتقتلني‬

#ليل

عمري كبير #حوليات

عمري كبير مش اوي على فكره

يعني يدوب كام سنه فوق التلاتين

قلبي شقي ولا طفل بريئ

اضحك وافرح فرحه كبيره من حاجه يدوب فتافيت

ازعل واغضب واصفى بسرعه

اعاتب واصالح بس احبابي

لما ببيع اجارك الله

كأني ولا عمري رايتك

مخي صعيدي وروحي من بحري

بغلط اه

بس اتحمل غلطي حتى لو مش اده

احب الناس واحب الدنيا

عايزه الاقي طريقه تخلي الدنيا دي جنه

افرح اهلي وكل احبابي

ابني الخير واهد الظلم

اثبت للعالم ان الابيض لسه كتير

وان الاسود يدوب الظل

خايفه يخلص عمري وانا ثابته مكاني

زي ما روحت زي ما جيت

لا عملت لاخره اجلي

ولا حتى فرحت بدنيتي

يا بني تعال

= = = = =

يا بني يلا تعال وقوام خلص

ده الشيب بدء على راسي يزحف

وحاسة بركبي بتخبط وكأني بعجز

وكبرت وبكبر باستمرار في ثواني

هتيجي وناوي ولا لسه هتتأخر

صدقني خايفة عليك مش اكتر

مش على نفسي خالص خالص

منتا لو جيت بعدين متأخر مضمنش

هتأمر وأقولك لاء مش عايزين

وخلاص سستمت حياتي عادي

ولأولاد أخواتي هربي واهاتي

وأترهبن واعمل فيها شيخه

ما خلاص مش فارقة

ولا عاد في صبر وروح

والفرحة راحت من قلبي

وأتحولت لنوع تاني غالي

حب سكن بقلبي ومبقتش

خلاص بدور تاني عليك

صدقني هتستنى لامتي

تعذب فيا وفيك بزيادة

هاه يلا تعال قوام يلا

خلصنا ودق الباب

عجبك يعني شكلي

وشكلك قدام الناس

عانس أنا عايشه

وانت عازب محتاس

يعني مش نفسك وبجد

حد يونس قلبك وحياتك

ولا حتى يناغش عمرك

ولا وايه المفأجاة الكبرى

حد ينكد يا روحي عليك

في الصبحية يطلع عينك

وفي الأعياد يزهق فيك

فكر كده يلا اوام قرر

بجد فايتك إثارة كتير

وجو رهيب بجد بجد

هتندم بكره بجد عليه

وتقول يارتني واه ياني

بعده او بعده مش فارقه

صدقني مسيرك يوم

تندم على عزوبيتك

O_0

مش أي حد

= = = = =

مش اي حد ده كان كل حد في إحدى فترات حياتي

مالك لزمام أموري

ماسك لجام لظنوني

بإيديه علمني أعيش

وبنناني وكوني من تاني

بفكره طيرني لفووووق

ساكني في سابع سما

نجوم وقمر نور بيتنا

وشمس وليل غطى يومنا

كلام غرام وحنين كان اكلنا وشربنا

خيال أحلامه وداني لجنه عدن

وفجأه ... !!!

لقيتني في نار ولهيب وسعير

في جهنم مع ابليس بتحرق وانصهر

رماني من دون أسباب

وبكل بساطه بيقولي خدي بالك من نفسك يا حبيبتي

إيه الاسباب .. ريحني

لكن.. !!

هيقول إيه ..

بعد وهجر لواحده غيرك

اكيد صعب

هيقول ايه..

احلى واجمل ومريحه لعيني

أكيد لاء

اصغر لسنين حياتي تعيشني

لسنين ضاعت وعذاب وهوان تعوضني

ايامي ولياليا هتفرفش لي

وسبني وراح ..

ادفع تمن غربة ووحدة وانانية كان عايش فيها

قلبي واعصابي وروحي مش فارقا

هيعيش هو بشكل جديد كفايا

وشبابه يعيد أمجاده مع طفولة ووجه بريئ

ودلال ودله

وهيام وولع

واتحرق انا مش فارقه !!

هو أنا أبقى مين ؟؟!! .. مجرد لعبه

يدوب تسليه !!

وفي بحور الوهم رحت ضحيه ..

ما هو كان لازم حد ينتهي ويضيع !!

ويموت اه يموت .. مش فارقه .. غيري كتير

حد قالي بضمير وجنون حبي واعشقي

في الامثال قالوا ...

ذنب ناس تخلصه ناس

وذنبي يا ناس هيخلصه مين ؟؟!!

مش عارفه !!

مش فارقه !!

ومش مهم !!

اتحرق أنا ..

ولا تسوى ...

.

ربك أنزل لينا #حوليات

= = = =

ربك أنزل أيه وقال من فوق سبع سماوات

" والشعراء يتبعهم الغاون "

أيه بجد قوية وصعبه ومأثرة عليا جدا

ولأكتر من عشر سنين وانا خايفة أكون

من الشعراء أو حتى الغاوين

خايفه أكون من الضالين المضلين

بقول الكلمة ومش عارفة ولا حاسة

الكلمة راحه لفين ولمين

وبحاول اكون اد الكلمة

وأراعي ربي فيها

بس ساعات بتهرب مني

وتروح لاماكن تانية بعيدة

لكن بــس أنا ..

بدعي ربي يسامحني

وعلى نفسي وعقلي

يقويني ويقومني

ويارب يارب يارب

يسترني يوم العرض

ويرحم ويغفر ليا

فلتاتي وزلاتي

ده أنا والله مليش غيره

هو الحامي الغافر التواب

لزلات وعيوب عبيده

صديقة مجنونه بعقل

كتير شايفين إني صديقة

جميلة مستمعه حمولة

رغم جناني إلا إني

متفهمه واقعيه وقت المشاكل

رومانسية وقت الروقان

 شقيه غلباوية وقت اللعب

بيبان للناس اني عارفة كل حاجة رغم إن كتير مبكونش عارفة أي حاجة

اللي يضايق جوايا بحس بالنقيض

أنا الاتنين ملولة

محبه للتغير رغم حبي الشديد للثبات والاستقرار

حتى لو استقرار نفسي وخيالي

بحب الحب بكرة العنف رغم عصبيتي وخنقتي

باردة ساعات وشعله نار أوقات تانية

كتير شايفين إني بنت منطلقة جريئة ميهمهاش حد

رغم إن ليا قيودي اللي مبتعدهاش

في شيفيني ملاك حتى مع إن الملايكة خلاص في السما

في بيحب قربي

وناس تتمنى احل عن سماه

صحيح مجنونه ومودية ومتقلبة وكله ممكن يحصل في نفس الثانية

لكن الأهم

بعرف أتأقلم بسرعة مع كل ..

 الظروف والأحداث والكوارث اللي بوقع نفسي فيها او بتحصلي طبيعي

غالبا مبحولش أضايق حد قصدا

بعرف أعمل غبية رغم إني بكره اللي يتغابى عليا او يلف ويدور :)

وبزعل من نفسي جدا لما بعمل مشكلة او أزعل حد

نفسي أبطل أزهق بسرعة من كل حاجة حد عنده حل أريد حلاً

كفايه كده النهارده .........

ضربني واشتكى

 ضربني واشتكي

وعلى جنب راح واتركن

عملني مألته وقلبلي اليوم غم

عملني معيره وعبره لمن هب ودب

لاء ومصر يقولي

يا غاليه يا حبيبه ياللي ملكيش زيي

ده انا بس بوريكي الدنيا ملهاش امان

 وكمان بعرفك ان طيبتك ملهاش زيي

دي الخيانه والخداع بقت هي الاساس

فرج عليا العالم لاء

وبيحسبني على قلة اصله

عامل نفسه راجل

وكل ما بينا عمله لبانه في حنك الكل

فاكر نفسه بارم ديله

وديله ده بده الحرق

كل يومين مع واحدة

وفي عقدة عايش وملوش زيي

بهلوان كبير لابس وش زعيم

عاملي نفسه خدوم وهو ملوش لزوم

فرج علينا الناس بذمة وباخلاص

ال ايه فاكر نفسه بطل مغوار

حمى نفسه مني ومن كل الاخطار

روح يا شيخ دي معرفتك بقت بالنسبالي عار

مش معنى

لاء لا لا لاء

مش معنى اني مش عايزة اشوف

وشك ولا حتى قفاك

ولا طايقة بعيد عنك اشم ريحه تفكرني بيوم لقياك

ولا حتى صورة بروفيلك ولا اسمك

ولا عايزة اعرف لون طيفك حتى

عارف ..

انا بحمد ربي انك جيت فوقتني من غفلة عمري

وبسببك حققت كتير من احلامي

وبقيت فوق

واتعلمت كتير اوي منك

منا اتعلمت واتنصحت

وبسببك انت اهو عايشه دماغ

لاء وكمان اخر روقان ومزاج

واتعلمت اعمل هادية وبارده ساعات

اتعلمت اتقل وارسى

وربي كرمني وكمان عوضني

وده كله بسببك انت

شوفت اني ببعادك عشت في نعمه

حفظة جميلك ... ومش ناسية خداعك

يلا وربنا كريم بعباده وانت معاهم فوق البيعه

لو بتحب ومشغول عنك #حوليات

لما تحس ان حياتك مشغوله ومليانه للاخر بحد مش حسك 

بكل هدوء فكر في عيوبك ومشاكلك وكل ما في حياتك تعبك 

وحاسس انه هيخاف ويبعد عنك بسببها 

او حتى يقول مالي بالتعب ده كفايه عليا اللي عندي 

بجد هتلاقي نفسك هديت 

وبعدت عنه بمشاكلك وحياتك الملخبطه 

وحمدت ربنا ان على الاقل مصغرتش 

في نظر حد غالي عندك 

اوقات لازم المواجهه تكون بينك وبين نفسك 

مش لازم تسيب لجام نفسك لجنونك 

مش اي حد هيستحمل جنانك ده 

اقتل حبك جواك قبل ما هو يصغرك ويقتلك 

في نظر حد مش اي حد في قلبك 

كله قدر ومكتوب بزمانه ومكانه وافراده

جي تقول ببرود

ليه كده ليه

جي تقولي بكل برود ومستني الرد !!!!!!!!!!

بعتك سبتك هونتي عليا

وبرضو بقولك سامحيني دي ظروف

بحبك اه بهواكي ومالو بس نصيبي مش وياكي

اهلي قالوا عليكي وقالو كلام وكلام

صحيح حبينك بس لابنهم لاء ده كلام

بحبك اه بهواكي ومالو لكن اهلي مقدرش اخالفهم

عذبتك اه ضيعتك اه

وفي بحور ندمي هعيش من غيرك

بس نصيبي مش وياكي

حبيني ياريت

وافتكريني

وياريت في علاقة اخوية تكوني معايا

حبيتك اه ورحت بعدت وحبيت غيرك

اختي حبيبتي وكل ما ليا

ديما طمني بالي عليكي

وكل اخبارك ابعتهالي

ولو يوم احتجتي لشيء انا موجود وديما سداد

حبيتي ؟؟!!! ... ياريت لاء ..

قلبي طب لما شك انك حبيتي

سبتك اه هجرتك ايوه

بس انتي خليكي معايا

حبيت غيرك اه مش هنكر

بس انتي لاء متحبيش

انا ربيتك وعلى ايدي علمتك كل حياتك

ازاي يعني لغيري تكوني

استنيني واكيد جي

وليا تكوني الزوجة التانية

اه فيها ايه !!!!!

الشرع محللي الرابعة

ارضي اهلي وارضي نفسي

وانتي كمان هرضيكي

ويلا بسرعه قوليلي الرد واكيد طبعا هيكون الــ أه

منا حبيتك واكيد راح تنسي اني بعتك وروحت هجرتك

منتي حبيبتي وانا حبيبك

أحب اقولك انا بقى ردي يا اللي فكرني دايبه وناسيه ....

بعتني سبتني وروحت بعيد ....

ولهذا فانا من غيرك عشت وتعايشت

واكيد الرد هو الـــــــــــــــــــــــــــ لاء

هحكي لكم حكاية زر

= = = =

هحكي لكم حكاية زر اسمه اللايك

ده مش عربي على فكرة

العربي بنقول إعجاب

اااه واللهي

تشوف البوست يشدك اسمه أو حتى صاحبة تدوس اللايك

يجي الرد واه على الرد لبنت لذيذه واهاه إديها لايك

توزع هنا وهناك وهنا وكابس على طول اللايك

هنا وهناك مش فارقة كتير

ويلا يا عم هو كان بفلوس إديها لايك

وتك تك تك تك تك وكمان تك تك

إديها لايك لكل الناس

ده حتى كمان في إشاعة بتقول

وزارة الصحة موزعة أقراص للايك

وتك تك تك تك

إديها لايك وعيش اللايك

يا عم نجم نجوم  عالم اللايك