حبيب عمري #حوليات

- - - -----

حبيبتي ...

بكل هدوء وعقل سمعت الكلمة وقعدت

أتفرج حوليا على الدنيا لما اتعقدت

وخايف اصلها ...

وخلاص أدام عيني

ويا ناس راحت مني

فزع متغلف بسكوني

وأهو ...

عمر ومتقدر من الخالق راضي وسمعه

نصيبي وساكت رغم إنها صدمة مريعة

وسؤال بيدور ...

الناس تسأل وتقرب مني تهديني

وانا عارف خالقها بيها ارحم مني

ويقولوا اهدى ...

طب أنا نطقت منا ساكت لا صرخت

ولا اتكلمت ولا بكيت ولا اتعصبت

حبيبتي راحت ..

سبتني لوحدي مع صوري ودي دمي

حكاياتي وأحداث يومي أعيش وهمي

عمري ..

وبشوفها في وشوش الناس

أماكن جوايا كما الوسواس

وفي إيه ...

سبتني لوحدة وفراغ بيموتني

سواد بيزيد حوليا بيخنقني

ويارب ..

بدعيلها يرزقها الفردوس الأعلى

وانا مين بس معاها هيدعيلي

يااا رب ...

مين باديه يعيني على غربة أيامي وسنيني

دي ليالي هعيشها طويلة بدوامة تحيرني

وعايزني أتكلم واطلع لهمومي ومكنوني

وأقول إيه ..

حكاية وخلصت في ثواني واهو اده حالي

عايش مش عارف اهرب من جمر سؤالي

يارب حبيبتي ..

وأنت الأعلم بيها وبيا

وأنت الأرحم بيها وبيا

وأنت الغافر لبها ولبا

يارب ..

إنت القادر تجمعني بعمري في يوم تاني

يا ناس حبيبي وعايز أعيش وياه من تاني

وده حبيبي وراح مني في ثواني