عمري كبير مش اوي على فكره
يعني يدوب كام سنه فوق التلاتين
قلبي شقي ولا طفل بريئ
اضحك وافرح فرحه كبيره من حاجه يدوب فتافيت
ازعل واغضب واصفى بسرعه
اعاتب واصالح بس احبابي
لما ببيع اجارك الله
كأني ولا عمري رايتك
مخي صعيدي وروحي من بحري
بغلط اه
بس اتحمل غلطي حتى لو مش اده
احب الناس واحب الدنيا
عايزه الاقي طريقه تخلي الدنيا دي جنه
افرح اهلي وكل احبابي
ابني الخير واهد الظلم
اثبت للعالم ان الابيض لسه كتير
وان الاسود يدوب الظل
خايفه يخلص عمري وانا ثابته مكاني
زي ما روحت زي ما جيت
لا عملت لاخره اجلي
ولا حتى فرحت بدنيتي
ليست هناك تعليقات:
إرسال تعليق
رأيك أكيد مهم ليه o.o