السلام عليكم ورحمه الله وبركاته
صباح الفل والورد والياسمين لكل اللي هيقرء
تدوينتي ، سواء متابعين وأعضاء للمدونة أو عابر سبيل مر هنا وجبته الأقدار ليزيد
عداد إحصاءات زواري أولا ويزيد اغتباطي بنفسي ثانيا :)
بصوا بقى بصراحة :
1. لا ليا مزاج اكتب حاجة محددة ممكن أقول عنها مفيدة
2. ولا عايزة انزل كمان شعر أو خواطر من كتاباتي
بما أني للان مش عارفة أتعامل مع حساب جوجل
ده ولا مدونته وتدويناته قررت اكتب وبس كان نفسي اعمل إشارة لبعض الأصدقاء
والمدونين هنا معلش يا جماعة أنا مستجدة في عالم جوجل :(
مملة أنا صح .. للأسف عارفة .. تعرفوا مش عارفة أصلا إيه
كمية الزهق اللي ملياني الأيام دي إيه ؟ ولا جايه منين وراحة لفين ؟
قررت أجاوب على سؤال حوليات الأسبوع ده من
مبدأ .. أهو عملت حاجة مفيدة في يومي .. أستاذة لبنى (أمل زيادة عرفتني بالحوليات
جت في وقتها بالنسبة لي وكمان سعيدة جدا ان اللي متبنيها وكمان فكرة بنت تحيز بقى
) - أستاذة فاطمة (مبسوطة جدا أني اعرف شخصية متمكنة في اللغة لأني خايبة أوي
وأكيد هتعلم منك كتير ومن حملة لغة الضاد ) – أسماء خليفة (أنتي كاتبة ولا شاعرة
ولا سياسية عجباني إلمامك بالمواضيع أوي ) – هدي (على فكرة عجباني كلماتك أوي ومش
عارفة أوصل لمدونتك)– ناريا (مختفية ليه صحيح عايزة اعرف باقي قصة الزوجة أم 19
سنه بتعتك) محدش يزعل !! انتم اكتر ناس متابعين المدونة أما جوجل بصراحة بفرح جدا
لما بفتح وألاقي ناس عاملة شير لكتاباتي.
س1 : مسار الحوليات وتصور خط النهاية على
مستوى أكثر من 242 مدونة ؟
أتمنى نوصل لتسلسل معين للأفكار يُكتب عنها
ليكون خط النهاية تجميع أفضل التدوينات على هيئة كتاب (كل موضوع يسلم لموضع تاني
بعده ليكون هناك تسلسل لمواضيع الكتاب بمنطقية).
س2 : مسار الحوليات وتصور خط النهاية على
مستوى شخصي ؟
أتمنى أكون جزء من الكتاب حال تنفيذه فعليا.
ملحوظة بقى على الماشي كده .. أكثر ما يثير
سعادتي من الحوليات حتى وان لم أكن يوما جزءا من ما أتمناه من تجميع كتاب عن هذه
التدوينات هو :
أولاً : منحتني المزيد من الثقة بالنفس
ثانياً : تشعرني باني مازلت على قيد الحياة.
ثالثاً : أعادت إلي نشاطي وخيالي وإلهامي (ودي
أهم نقطة).
رابعاً : تعرفت على أصدقاء جدد أحب
متابعتهم.
ليست هناك تعليقات:
إرسال تعليق
رأيك أكيد مهم ليه o.o