لما الغضب ؟! #حوليات مناوشات حول النص

= = = = =

لما الغضب ؟!

لما السخط ؟!

أنتم بطبائعكم هكذا

لم تتغيروا فلما العجب ؟!

أجميل شجاعتكم الزائفة كالنعام ؟!

إذن فلما ارتضيتم التنطع كالغنم ؟!

أتعشقون الضعف والهوان لهذا الحد ؟!

كنتم هكذا وستموتون أيضا هكذا

ماهو الجديد ولما العجب ؟!

هل حاولتم التغير؟! لا

أبحثتم عما وراء المستحيل ؟! لا

هل نظرتم حتى أمام الممكن والمتاح ؟! لا

إذن ..

لما التطاول في الحديث ؟!

لما العنف والملام؟!

ولما العتب ؟!

من جديد يوما سوف نجتمع

وسأكون أنا وأنتم هنا

نتجاذب للقصص وأطراف الكلام

وسوف ننتظر فراغا الحديث

ستظلون أنتم هكذا

وسأظل ساعية لتعلم الجديد

مثال للبشر في زمن أختبئ فيه الضمير

http://arrai.org/pages.php?option=browse&id=102648

وانتهينا #حوليات

وانتهينا ..

وكان الوداع مقيت ..

كما كان أخر لقاء معيب ..

واختفى ..

كما يجب أن يكون الاختفاء،

اختفاء نظيف،

لا إشارة،

لا عتاب،

لا رسالة،

لا اتصال،

مجرد تذكرة ذهاب دون مجيء ..

لف وأرجع تاني #حوليات

" لف .. وأرجع تاني " ، بصراحة ده ملخص قانون التظاهر الجديد ؛ " كمااا .. كُنت" ، " مفيش تظاهرات النهارده عددكم كبير" ؛ " المكان محجوز من شهرين لتظاهرة تانية مكونة من عيلين ونص" ؛ " مليش مزاج امضي على ورقة المظاهرة " ؛ " روح يبني هات ورقة من أتنين موظفين انك مؤهل نفسيا للخروج في مظاهرة " ؛ " أنتي يا بنتي روحي جيبي باباكي يمضي على موافقته تضربي في المظاهرة الجايه " ، " أقف في الصف يبني المظاهرات يمين والشكاوى شمال ".

 

مش مقتنعة أن كل ما الناس تتخنق من البلد واللي بيحصل فيها عشان تعترض تروح تمضي ورقة من الباشا مأمور القسم ، هو اللي حصل في ثورة يناير ومن بعدها يونيو إيه ؟؟!! ، كان تظاهر قلب بثورة شالت الريس ؛ يا حبيبتي يا ثورة ، مكنش يومك يختي ، دبحوكي وبيقطعوا فيكي حته حته ، كل شوية حد ينط ؛ يتنطط ويلعب وشوية ينسى نفسه ؛ ويقولك أنا حامي حمى الثورة المجيدة ، خلصنا من أتنين مش واحد مجلس عسكري فاشل ورئيس أُنِتِخَب وأثبت ضعفه ، ومع ذلك محدش بيحرم ، من تاني بدأت العفاريت تظهر تتنطط ، ويقولك بحمي وبحافظ.

يا سيدي أحمي نفسك أنت بس الأول ، كبيرك أسبوع ويانا وهتشوف أيام سود ولا قرن الخروب ، هتقول الدستور وتنزلوا تقولوا رأيكم ، هيييي ضحكتني بالآوي ومليش نفس بصراحة كان غيرك أشطر ، مش كان في قبله واحد وقال نفس الجملة والدنيا أتقلبت وقولنا مينفعش ، قالوا عادي قولوا " نعم " وبعدين يتعدل كل ما هو مخالف ومش عاجب ؛ ونعمل دستور يعجب الكل ؛ وراحوا هما وأيامهم .. وراح هو كمان.

هو إحنا بنعيد تاني في نفس الكره ، ونلف نلف في نفس الدايرة ، جرى إيه ، صحصح .. فوق يلا شوية معانا ، مش بنعيد في المشروح من تاني ، قولت تظاهر متاح لكن ... بشروط ؛ لا بجد وهو انت لما الناس خرجت وقلبت الدنيا كان خروجها مشروط.

تقولي أنتي مبتخرجيش مظاهرات ولا عمرك خرجتي ولا ناوية تخرجي ، بتتكلمي في إيه وليه ، أقولك ده حقي صحيح مش بعمل بيه لكن ده مش معناه سيادتك تسرقه مني ، تقول تاني ده وسيلة لحماية البلد من الفوضى والعنف المتزايد الأيام دي ، أجوبك بأن معاك الحق والسلطات تعاقب بيها المخالف لكن مش مبرر تمنع المظاهرات أو تقننها بطريقتك وعلى مزاجك ، الموضوع شبة أم خايفه على أبنها من البرد حبسته في البيت وكل شوية تقوله خد أدوية مناعة في الأخر مناعته أدمرت بسببها مش بسبب كائن خارجي.

بدأت أقتنع أن الكرسي فيه مادة بتسمم كل من يقرب منه ويقلب له كيانه وينسيه إزاي وصل ؛ ويبدأ يتفرعن " ما هو قالوا زمان يا فرعون مين فرعنك قال ملقتش حد يلمني " واللي افتكرته موسى طلع فرعون " عجبت لك يا زمن ، لا .. لا الزمن ملوش علاقة عجبت ليك يا حاكم متفرعن على محكوم ؛ ويارب يارب تموت .. وقال إيه تظاهر "متاح بشروط" .. "لف وارجع تاني يا كتكوت" ، " أحذر الدماغ ترجع للخلف".

الأربعاء 27/11/2013م

... #حوليات

عندي صداع مش نافع معاه اي حاجة وبالتبعية كل وسائل الاحساس المتاحة للابداع تم ايقافها جبرا :(

شوفت مره دنيا هبيله #حوليات

شوفت مرة صورة غريبة

عيني بكت بسرعة دقيقة

ثم .. عادي عشت الحقيقة

كملت بعدها ..

ولفت الدنيا الهبيله

دورة واسعة وكاملة

تملى حياتنا خانقة

دورنا وياها ف ثانية

فقتلت جوانا البراءة

عمايل فتنه واشتغاله

عصرت جوانا المحبة

والإخلاص ويا المودة

وف الطريق قتلتنا بهداوه

لما سبنا عيالنا للمهانة

جنود شباب كله فداهية

حتى منهم البت زينه

 لكننا المرة دية ....

قومنا بسرعة انتفضنا

قولنا لازم إعدام وميتة

للي كانوا سبب الجريمة

 ومن تاني ننسى الحكاية

ونرجع لقواعدنا بكسره وهده

أصلنا اتعودنا الموت والبهدلة

وعليهم رشه مهانة ومذلة

الأحد 24/11/2013م الساعة 9.45م

اريد النوم رغم رائحة قهوتي #حوليات

اريد النوم وبشدة وبعد ثالث مج مش فنجان قهوة مازلت اهيم غراما في السيد نوم ااااااااااااااااه يا ربي ضاع تاثير رائحة البن المحوج ليتحول الى منوم ساحر للاجفان لانام في مكان عملي بكل استمتاع

عطري المغتال #حوليات داخل اطار النص

= = = = = =

عطري المغتال لواقع أيامي وآلامي ليس بالفواح ، هو عطر ليس غال الثمن بتركيبات خاصة أو سرية تأسرني معه ، أو عطر باريسي أخاذ للأنفاس ؛ لكنه عطر خاص بمجرد رشه واحدة يجعلني أذوب هياما وغراما مع حبيبي المجهول.

يدخلني معه عالم أحلام لذيذه شهيه ، فأتخيله يراقصني يداعبني بالكلمات ، يغنيني حرف وكلمة داخل موجات الهمسات ، أحضان دافئة تغمرني معه بدائرة الأفراح ، أحلام وخيالات ممتعه تحبسني معه بصندوق الدنيا ، لتشدو فيروز وتليها نجاه وأحيانا سيلين ديون فهو مغرم بألحان الغرب الهادئة الأنفاس ، المحه يراقب حركاتي سكناتي لينتهز فرصة قرب ليضم برودة أجزائي بدفء ثناياه.

آآآه من عطر يقتلني قبل أن يقتلني حبي ، وآه من إحساس يدغدغ أحلامي وينطلق ليعيش ويعيث فسادا بمخيلتي وحتى بقلمي ، إحساس ومشاعر تنثر ما اختبئ بروحي وقلبي من همسات ونبضات آلام وحدة فرضت بالجبر على أنثى تَسكُن خلاياي ، آه منك يا من تسلب وقاري وجمودي الظاهر للعلن وتعريني أمام من يقرأ كلماتي.

يا عطري يكفيك تفاخر بذاتك وبقوة تأثير ذراتك تلك ، فما أنت إلا مخدر ينسيني للحظات ظلمة ليالي ، لا تتنطع فرحا بما تفعل فبيدي قد اغتالك وأرميك بأحد أدراجي ، أو قد أتهور وألقيك خارج شرفة أحلامي ، نعم ألقيك بطريق عام لتعيش بشارع دنيانا الباردة ، وأحرمك مشاركتي أحلامي وأحضاني الدافئة مع فارس سنواتي.

السبت 23/11/2013م الساعة 9.47 ص :)

محولتش العب مع غيره #حوليات

محولتش العب مع غيره

= = = = = = = =

مشكلتك ياللي بعيوبي وبرودي وجفائي ظلمني ورميني

انك سبتني ارجع تاني بأحلامي وقلبي لواحد تاني

افرح واضحك واعيش وياه ومعاه وبيه بكل كياني

عارف انت معاه بحس اني خلاص في عالم متواني

مليان فل وازهار سعيد وجميل وردي بشكل متوازي

وياه بحس اني خلاص مش صخره مرمية بصحرائي

اني كائن متحول لسعادة وهنى بتملى كوني وهوائي

معاه بحس إني مايه سارحة ما بين كفين شدني

كل ما فيها بينادي عليه يناجي فيه أنثى بكوني

اني إنسانه نسايه لأحزاني ومحققة لأحلامي

اه صحيح عايشه وياه بس بخيالي وأوهامي

لكن يكفى فرح ان بسببه بقيت بكتب كتاباتي

عشانه بدئت احس واحب واعيش بحكاياتي

ورغم بعده وأخويته ليا إلا انه بجد يملاني بآمالي

ده إنسان تاني غير كل العالم وبجد خير ومثالي

عمرة ما حاول يوم يستغل ليا او حبي وخيالي وينساني

مشجعني رغم مشاغلة ومتاعبه اكون بشكل انساني

معاه بحس الصفا والروقان وان الدنيا كلها خير ده بجد حبيبي

بتمني له الخير ماهو يستاهل حتى لو مع غيري ومدقش بابي

بحبك يا سر جمالي وحياتي وفرحي وحتى شقاوتي

بحبك يا خيالي العايش جوايا يا سر هنايا وعشتي

بحبك يا سر مالي روحي متعشق بكل ما فيا يا سر جمالي

يا سيدي وتاج راسي الغالي وبتمني تكون يوم ليا حلالي

بحبك يا فارس لياليا وايامي يا كل أمالي وأماني وايه ذنبي

ده حبك خلاص نساني مكاني وزماني وعمري يا حبيبي

نساني الدنيا خلاني ادعي ربي اموت في ثواني

واروح واشكي لربي أقوله يا رب حبيته وتركني

يارب أجعلني له حور العين ووحياتك ليه قربني

يارب محولتش العب مع غيرة خليه بالأخرة يحبني

يارب يتمنى لقايا يلقيني جواه يهواني يعشقني

يستناني ويدعي لي بالخير ويتمنى حبي وحناني

السبت 8-9-2012م

9 ص

استراحة #حوليات

استراحة



من كل




بساحة الصراحة


والامتناع قليلا


عن الكتابة

حريتي #حوليات

الحرية ليا ان افعل ما اريد في حدود العقل والمنطق دون ان اضر غيري
حقي في الفرح والسعادة ومحاولة نشرهما للغير ايضا
انا حرة انا سعيدة انا انجي :)