كاندي دينا

دينا دي بقى بت مزاج

ومن الاخر غاوية عذاب

كل حياتها عكس الخط

ومع ذلك مبتحرمش

غاوية حب ورقة

ويوم ما تقرب هو الصد ملكش بديل

بت جدعه لاء وخدومة

بس يا خوفي على طول مخدوعة

عايشه دماغ رغم اهاتها

وقساوة حتى الاهل

حياتها غريبة وساعات مريبة

اصلها غاوية غموض وتخفي

احلامها كتيره وكلها بسيطة

تحب الحب بقلب حنون

غاوية مشاكل ولدور رامبو تحب تعيش

دوني دندوني غاوية تعيش في حالة حب

اصلها حلوة وكلها رقة وعنيها شقيه تجنن الف

إهداء لايات محي

شقية ومجنونه

كلك طفولة

شاعرة 

ووووووووووووواو حنونه

في حبك قوى أنا مفتونه

تهيجي وتثوري وفي الاخر جنونه ولحالها راحت

تحبي تشاغلي وتناغشي وتروشي

هواية عندك في غيرك تعاندي

لذيذه ورقيقه

ولاي قلب انتي قريبه

رصاصة وانطلقت في كون كبير

سماكي عاليه ونجومك غاليه

بحرك كبير وهواكي عزيز

تهدى بكلمة وتبكي بكل رقه

تضيعي بهمسه

وتثوري بغمزه

قلبك حنون مكفي الكون

من الحبايب يكفي ديشليون

صحابك أمانه وديما حرساها

وكل ما تتمني بيت وراجل حنون

ولادك يربي وانتي يصون

وربنا يعينك على جنونك وقلبك

يا احلى بنوته واشقى مجنونه

إهداء لايات محي

يارا الشاعر 

نوافذ قلبه

اخبرني بانه يفتح لنوافذ غرفته كل صباح , ويثير زوبعه في فتحه من اجلي ليرانى  , ليأخذ من اشراق صباح وجهي , ويلقي بتحيتة الصباحية مخفيه بين سلم نغمات اغنية بصوت جهوري يدندنها , ويعلمني بقرب نزولة بطلب فنجان قهوه تركية من امه على عجل , وبموعد عودته بطلب غداء جاهز ومرتب في تمام ساعة تختلف باختلاف موعد عودته , كم أعشق مناورات اضائة حجرات المكتب لنعلم متى يحين لقاء يجمعنا , موعد ليلي خاص نتبادل فيه احاديث عما حواه اليوم من أحداث ومشاكل وحلول جاءت فقط بتجمع عينينا , اه لو يعلم اهلينا بوجود رسائل سرية طائرة بين عمائرنا.

موعد ولقاء

حبيبي الهائم بين السحب , الطائر بين النجمات , تحت سفح حمى الهرم لنا موعد ولقاء , برعاية ابو الهول وتعويذات القدم , لاضيئ لك القمر شموع , واسقيك الورود مُسكر , لاطعمك ربيع عمري شهد وعسل , وبيدي اعزف اهدء الالحان

هو يتقرب #حوليات

= = = = =

هو يتقرب يفعل كل ما أرغب ويتمنى لرضاي النيل ، ليسعدني بأمور كثيرة يحزن لحزني وأكثر يتقرب بحنان واهتمام محبب ، يحاول رغم الصد والهجر البادي من! ، وحبيبي يبعد عني مٌتجاهل مٌتنكر مٌتخفي ، وكأني قميصه ذو اللون الأجرب يعاملني ، أعاتبة وأجرح كرامتي بمباشر لوم وعتاب ، أحدثه كثيرا وكثيرا ودوما يعرف كيف يثبتني بالكلمات لأصمت وأنسى 

ثم يعاود الكرة لأموت بداخلي مرات ومرات بجنوني ، فأعاتب فيكرر كلماته بحنيه تأسرني ، تأخذني معها لعنان سماء الحرية غيمات الأمطار يسكنني ، لتنير سحب السماوات نهاري ، أرى نجوم لامعه وكواكب ونيازك منحنيه بجلاء لي ، معه أعيش حياتي كأميرة أو ملكة لخيالي وقت صفائه ، لكنه دوما صعب قاسي لا يراعي حبي ، يثير لغيرتي والرغبة لتملك قلبه بسكناتي وخلجاتي.

ماذا أقول ؟ ماذا أفعل ؟ أيعجبك هذا ؟! ها أنت قد أثرت جنوني وتبعثرت مني كلماتي ، حبيبي لا تجعلني رجاء أقارن بينك وبين سواك ، ظالمة مقارنتي لهم ولك فالخاسر أنت ، رغم ذلك متملك لقلبي مسيطر على عقلي روحي مستباحة منك ، القواعد لك دوما تخالف لتفوز بجدارة ، فبكل هدوء أغير قواعدي لأمنحك النصر.

يا بشر ليخبره غيري بمراعاتي ، فالحب رغم جماله متعب صادم قاسي ، وأنا منه لا أبتغى إلا أشياء بسيطة ، عمره والروح ملك لي خالصة صافية ، هذا فقط والحب الكامل وحياته ، أٌليست أشياء بسيطة.

اختار قتلي بالفراق وابتعد

اختار قتلي بالفراق وابتعد

هل اخترت الهروب بالتخفي نهاية دربنا كما تحب وتفضل شريك عمري ؟؟

هل اخترت الهروب بالتخفي نهاية دربنا كما تحب وتفضل شريك عمري ؟؟

#انجي_مطاوع

بيت الدنيا مفروسة #حوليات

كرنش كرانيشووو دي كرنوشة جوه كرنوشة حب جوه حبايه متعشق جوه قلب حكاية حبيتها هتفرح ويايا كرانيشوووو مليون الف حكاية تتحب وبتحب وهتتحب وانسى معاها اي حكاية ده كرانيشو معناها فرحة قلب ولمعه عين

من الاخر ملهاش معنى غير اني بقولك **** اضحك خلي الدنيا تبات منك مفروسة 

عريس يا ماي

عريس ياماااااااااااااااااااي مش اي عريس

عريس يا ماااااااااااااااااي حقيقة ومش تهيس

عريس ياماااااااااااااااااااااااي مهودني وليا ونيس

عريس يامااااااااااااااااااااااااااي يا هروح منك انا فطيس

عريس بامااااااااااااااااااااااي يخرجني من بند المناحيس

عريس يامااااااااااااااااااااااي دماغ مظبوطة مش ملاحيس

عريس يا ماااااااااااااااااي يفسحني ان شالله يوديني هويس

عريس يا مااااااااااااااااي حببني وبيه اكون من المهويس

عريس يا مااااااااااااااااااااي واقولك ايه انا عايزة عريس

يوميات شيماوية .. يوميات بنوتة مصرية ** الحلقة الثالثة : عررررريس يااااماى

طوبعا فى حياة كل بنوتة فينا عريسان كوتير ههههههههه العادى يعنى وبطبيعة الحال فى عرسان بيحصل معاهم مواقف مميزة . اهو انا النهاردة هحكى لكم على عريس من العرسان اللى اتقدم لوحدة من اعز صحباتى والعبرة اللى اخدتها بعد العريس دهون و ازاى نظرتها اتغيرت فى الناس .. فى يوم من ذوات الايام دق جرس التليفون رديت لاقيت صحبتى دهين بزعببها هههه حاكم انا و صحباتى زى بعضينا المهم مالك يابنتى قالت لى فضى لك ودانك عايزاكى ... فيه ايه؟؟؟؟ ... حكيت لى انه جالها عريس طب ياموكوسة و مالك كدهون مش مبسوطة هههههه قالت لى اسمعى القصة و بلاش تقاطعينى ههههه قولت لها احكى يا موكوسة ههه قالت لى دق جرس التليفون ماما ردت الو مين عمو بتاع العرسان ( الخطبة يعنى اللى بيبقى موجود فى كل عيلة دهون ) ... عرفت انه مهندس زراعى و عنده 37 سنة قولت توماموز يابت فرق 6 سنين مش وحش ... تأبهت زى كل مرة و و انا رايحة عشان اشوفه طوبعا الاستعدادات بتاعت كل مرة والوصايا العشر بتاعت ماما متعليش صوتك متضحكيش بصوت عالى و لو حاجة معجبتكيش متهبيش فى اللى قصادك زى عوايدك المهم اخدت الوصايا العشر اللى باخدها قبل كل عريس ورايحة و انا ايه بقة متشكية على الاخر ( هو العادى بتاعى انى شيك بس بقة مع النوع دهون من المقابلات لازمن ابقى شيك اخر حاجة ههههههههههه ) ووصلنا النادى ... ولاقيت حد مع عمو بتاع العرسان اووووبظ ايه ده انا شفته من هونا و ااتنططت من هونا ايه دهون ده كبير اووووووى ده شكله غير سنه خالص انسى يا ماما و بعدين ده تخين اوووووووووووى بصى و اقرع كومان و قصير لالالالالالا وشكله كبير انا ابان جانبه بنته.. طوبعاا ماما قالت لى اهدى و اضحكى و متبينيش حاجة كلها ساعة و خلاث المهم بلاش قلبه وشك و اهدى خاالث و ابتسمى بلاش تكشرى .. جيه قعد معانا و اتعرفنا عليه اهلا اهلا بقة كل سؤال يساله لى ارد عليه و انا ببص على اى حد تانى غيره ههههههههههههه .. و بين و بين نفسي عمالة اقول ياربى نفسي فى حد اول ما اشوفه احس انه هو ده ... المهم خلصت المقابلة و اخويا قام يوصلهم اخويا طوبعا فرحان بيه اوووووووووووووى و هو كومان الراجل كان فرحان اخر حاجة .. جيه اخويا يقولى ايه رايك قولت له لاء قالى ليه قولت له شكله كبير و كل الصفات اللى سبقت ههههههههههههههه طوبعااااااااااا اخويا معجبهوش الكلام لانه هو كومان تين اخر حاجة ههههههههه وقعد يقولى الراجل مش بشكله المهم جوهره ... طوبعا انا كنتش مقتنعة بالكلام دهون بينى و بينك كنت قفلت

المهم انى صممت انى مافيش قبول وكل البيت كان شااايف انى غلط ............
عايزين تعرفوا ايه اللى حصل بعد كدهون مع صحبتى دهين و ازاى نظرتها اتغيرت هههههههههههه انتظرونى السبت القادم بعد صلاة التروايح و انا اقول لكم
......................................................................................................

بعد ما قريتوا الحلقة راااايحين فين تعاااااالوا هووونا كل واحد وواحدة يجي يقر و يعترف بعريس او عروسة مميزة هههِههههههههههههه تعالوا قروا هونا

طباخة فجأة

= = = =

صحيت من نومي بواقعة مفاجأة

لقيت أمي طالبة طبخة مني فجأة

يدوب اصحي ارتب سريري ودولابي

وممكن أساعد واغسل صحوني يا ربي

وكبيري أجهز عيش وبتنجان بالدقة

وعصير سكر وليمون وماية رايقة

لقتني بطبخ فراخ بطاطس ورز بذوقي

وعلى السفرة ارتب وأذوق أهلي أطباقي

وأحلى مفاجئة طلعت طباخة جامدة

مفيش مستحيل ده أنا بنت صامدة

وكلمة معرفش راحت من قاموسي

ده أنا طباخ بريمو حافظة دروسي

يلا سلام ما تنسوا معادنا في حلقة جايه مع مغامرة جديدة  

 

يوميات شيماوية .. يوميات بنوتة مصرية ** الحلقة الخامسة : ماليش فى الطبيخ

طوووووووووبعا كل بنوتة فينا متقدرش تنسى اول طبخة ليها انا بقة قصتى مع الطبيخ و قصة اول طبخة ليه متتنسيش طوبعا كلكم متوقعين ان هيكون فى كارثة مطبخية ههههههههههه اصلى انا كنتش احب الطبيخ بصراحة و بما ان كنت البنوتة الصغيرة فكانت اختى الكبيرة هى اللى متوليه موضوع الطبيخ دهون و عشان هى مش بتحب غسيل المواعين فكنت انا تخصص غسيل المواعين و بصراحة انا لغايت النهاردة بحب غسيل المواعين اوى و اقولكم على سر اكبر انا ايام الدراسة كنت ارسم مسائل الهندسة بالصابون على السيراميك قصادى و انا بغسل المواعين ههههههه و اى مسالة هندسية تقف فى وشى اقوم اغسيل لى طبقين و افكر فيها و هى قصادى و كنت اول ما الاقى الحل اجرى بسرعة اكتبه و كانى اكتشفت اكتشاف ههههههههههههههه و اقولكم على سر اكبر و اكبر معظم قراراتى باخدها و انا بغسل المواعين لانى مش من النوع اللى يفضل قاعد و يسرح كده ههههههههههه لالا انا كنت اقف اغسيل كام طبق على كام حلة و انا بكلم نفسي لغايت لما اوصل لقرار ههههههههههههههه

كل علاقتى بالمطبخ كانت غسيل المواعين و ماليش علاقة باى حاجة تانى حتى تنطيف البيت كان على اختى الكبيرة و لما كانوا بيطلبوا من اى حاجة اعملها ولو بسيطة اعمل منها مشكلة عشان يبطلوا يطلبوا ههههه لدرجة ان فى مرة اتخانقت مع اخويا الكبير و انا بعمل الشاى بلبن لانى كنت مصممة ان اسمه شاى بلبن فلازم الشاى يتحط الاول قبل اللبن و هو يقولى اه اسمه شاى بلبن بس اللبن الاول هههههههههه و افتكر ان من ساعة ما اتخانقت بقة هو اللى يعمل الشاى بلبن ارحم له هههههههه و لما كانت ماما تطلب منى اعمل الارز اقوم مغرقاه ميه او احرقه عشان ميتاكلش فتقوم متطلبش ههههههههه لغايت لما زهقوا منى و كانت اكبر حاجة اعملها انى اقلى البرنجان و اخلله اصلى كنت بحبه اوووووى و كنت بموت فيه فطبعا كان لازم اعمله بنفسي هههههه فضلت كدهون لغايت لما جيه اليوم الموعود ماما نزلت مع اختى الكبيرة و خطيبها اللى هو دلوقتى جوزها يشتروا حاجة الجهاز و اتاخروا برة اتفاجاءت بماما بتتصل بيه شيماء انا مطلعة فرختين عندك اتصرفى اعملى اى حاجة لاننا واقعين من الجوع وقفلت السكة !!!!!!!!!!!!!!

طوبعا بقيت اضرب حيص بيص اعمل ايه يا امى بسن انا كبيرى غسيل المواعين اتصلت بخالتى الحقنى يا خالتووووووو اعمل ايه اتصرف ازاى قالت لى اهدى بس و اعملى اللى هقولك عليه و اديتنى خطوات صينيه البطاطس فى الفرن و الفراخ بالبصل و طوبعا الارز انا كنت عارفة يتعمل ازاى ما انا كنت ببوظه هههه و كتبت الخطوات كلها و منكرش ان اليوم دهون اخواتى ساعدونى اللى روق الشقة و اخويا الكبير وقف معايا و قالى من اولها انا هغسل لك المواعين بس عشان شكلك صعب عليه مع انه بيعرف يطبخ لانه كان بيشتغل بعيد و بيجي كل 3 اسابيع اجازة اسبوع واحد بس مرضيش يقولى اعمل ايه ههههههه و كان واقف مبسوط بحوستى جوه المطبخ و كنت كل شوية ابص فى الورقة و اشوف اعمل ايه و الحمد لله عملت كل الخطوات و كل شوية كنت اتصل بخالتو حبيبتى يا خالتو وخلصت كل الحاجات المطلوبة و بينى و بينكم مرضتش ادوق اى حاجة حتى و انا بحط الملح كنت بدوق حد من اخواتى ههههه يمكن لانى كنت واثيقة من ان الاكل مش هيطلع كويس .. و جات ماما و اختى و خطيب اختى اللى هو جوزها دلوقتى و اول ما دخلت قالت لى حطى الاكل يا شوشو احنا على اخرنا حطيت الاكل و سيبتهم هما ياكلوا الاول وقمت عملت حجتى انى بجيب ميه ساقعة و سيبتهم ياكلوا لغايت لما ملاقتش اى تعليق قولت الحمد لله كدهون يبقى من جوعهم معلقوش ههههههه و قعدت معاهم و بقيت ابص لهم و مش قادرة امد ايدي اكل لغايت لما اخويا الكبير قالها تفتكرى مين اللى عمل الاكل قالت له انت اكيد قالها لا دى شيماء و عملته كله من الالف للياء ماما استغربت قالت له بجد انت بتتكلم بجد قالها اصل بنتك دهين بمزاج لما يكون ليها مزاج تعمل حاجة بتعملها صح طب بزمتك ايه رايك فى الاكل انا اتفاجاءت من علامات الزهول اللى كانت على وش ماما و اختى الكبيرة و لاقيتهم بيقولوا مش ممكن ده طبيخ شيماء .. طوبعا انا بقيت اقول بينى و بين نفسي اسكت يا اخى ماهم كانوا بياكلوا و هما ساكتين اهو دلوقتى كله هيسيب الاكل هههههههههه لاقيت ماما بتقولى ماانتى اروبه اهون و بتعرفى تعملى اومال كنتى بتدلعى علينا ليه و اختى الكبيرة ما صدقت و قالت تصدقى يا ماما اكتر حاجة كنت قلقانة منها بعد جوازى بنتك و اللى هتعمله فيكم بس دلوقتى اطمنت لما بتتزنق بتعمل اكل حلو . سكت كده قولت ايه ده اروبه و اكل حلو ايه ده هو الاكل حلو بصحيح ولا بيدبسونى عشان ابقى اطبخ بعدن كدهون و اضطريت امد ايدي اكل الله ايه ده انا اللى كنت بقول ماليش فى الطبيخ طلعت بعرف اطبخ طلعت اروبة ياجووووووووودعاااااان هههههههههه

طبعا رغم انبساطى ان الاكل عجبهم و ان اول اكل ليه اعمله كان حلو بجد و انا نفسي اتفاجاءت بنفسي بس من يومها و انا بندم اشد الندم لانى بقيت اطبخ و مبقاش ليه حجة و اقول معرفش ههههههههه.. و شيلت كلمة معرفش و ماليش فيه من قاموس حياتى نهائي و بقيت بجد اجرب اعمل كل حاجة ماهو مينفعش اقول معرفش و ماليش و انا مجرتبش اصلا مش كده ولا ايه ؟؟؟؟؟
تعالوااااااااا هوووووووووونا رايحين فين كل واحدة توعتورف امتة اول مرة وقفت فى المطبخ و ايه اول طبخة عملتها ؟؟ يالله كله يقعد على كرسي الاوعتورفات