= = = =
بعتذر
الأول لنفسي لكل سذاجة غلطتها
ودلوقتي مش بقدرتي أعالج مصيرها
لكل اللي دخلت حياته
وفجأة هربت وعني بعدته
بعتذر
لكل بنت افتكرت أني حميتها
وطلعت في الأخر بقسوة أذيتها
لكل قلب قربت منه وإليه
ومقدرتش بجد أحافظ عليه
بعتذر لنفسي
لأني بيوم حبيت
ولجراحي نفسي سبت
لحبي اللي عن الواقع بعيد كتير
خيال نهايته خيانة وضياع كبير
بعتذر
لحلمي وطموحي وآمالي العريضة
كانوا خيال مقدرتش أحققه
لأهلي وأخواتي والله بضمير
لأني مكنتش الابن المنتظر
بعتذر
لحياتي بنهايتها وختامها
ولربي والدنيا كلها
