يا ناس يا بشر

= = = = =

يا ناس يا بشر

قلبي في خطر مر

داب واتفتت وراح للقمر

سبني وعليا أنا بيتأمر

خلاص مهاجر الدار

رايح للحبيب مغادر

سيبك أنت يا غادر

رايح للي إحساسي اختار

هدوب فيه كمان وانهار

وبدون حساب وبالقنطار

ومش كفاية ده أنا نار

هورية بالليل النهار

هدوقة حبي الجبار

هعيشه سنين فوق أي اختيار

مفيش فيها اي تعب او إجبار

يشوف بعيني عشقي كأنهار

بحر ومحيط ميقدر يوصفه مليار

يا بشر قلبي بخطر منهار

أعلن الاستقاله غرق بالآبار

يا ناس يا بشر

انجدوا قلبي ده هرب مني وطار

قلبي طفل بريء ماليه الاستهتار

والله ما ليه بالألغاز ولا الأخطار

يا ناس يا بشر

كلمتين وحرف

= = = = = =

هما كلمتين وحرف والباقي كله خرف

اسمع يا سيدي هما كلمتين وحرف

تيجي تقولهم على الرأس نشيلك

وبنن العين نصونك ونشيل حمولك

لكن تخاف يبقى الباقي كله خرف

وبسهولة روح لحالك شوف قدرك نصيبك

أصل ما يلزمنا منك حرف ولا حتى حبك

كلام ممكن يسكنك والباقي خليه ع الطرف

أصل فيه كلام ممكن يسكنك

وعد وكتاب بدون كلام بصمت تفهمه

كلمة تعشقك وتقولك جايلك في مهمة

والباقي ملوش لزوم خليه على الطرف

هيتعبك ويعذبك ما تفهمه ده رسول وصيني  

كان أيه بعتني لسكته ارحموني وأبعدوني

والخلاصة في النهاية

هما كلمتين وحرف والباقي كله خرف

كلام ممكن يسكنك والباقي خليه ع الطرف

حملة الضاد

كن فعال

http://karimasindi.blogspot.com/2013/09/blog-post_20.html

مجلة المليون صديق

 

 

رابط المجلة http://journalmillionfriends.blogspot.com/

 

اكيد اكيد هتعجبكم جدا

البيت المعمور #حوليات

يا بيت معمور من بدء الخلق مأهول ومزار

بعلالي السموات في نظيرك موجود

بايدين ملايكة ابرار متشيد

ونبينا خليل الله مع ابنه اسماعيل من تاني بناه

وبحكمة نبينا حبينا محمد تاني حماه وقت بنائة

يا بيت معمور لله الواحد مثال من بنور

عن خلق وخليقة ابداع يفوق اي صليقة

يا بيت معمور بقلوبنا ساكن مأهول

تهوى اليه افئدة وقلوب

ترتاح لمجرد نظرة

تهيم الروح بفضاء رحب بزيادة

يالله اكرمني بزيارة

وبطلة للبيت المعمور

رمضان بحروف

= = = = =

رمضان شهر هَلَ ويَهِلُ وسيهِلُ بميعاد ، موعد لقاء بفرح ورزق مقسوم ، بركة غامرة تعمر بيوت علية قوم وحتى أعشاش الفقراء ، صحة وعافية بإتباع أوامر ربانية وسنه نبينا المختار ، رمضان حروف من نور تُِكَونَ كلمة تعبر عن شهر خير من شهور العام قاطبة ، فيه أنزل قرآن هدى ونبراس للبشر في دنيا فانية ، وعد مكتوب نوقن به بفوز ومكافأة في يوم لقاء رب السموات.

راء : رمضاء نستجير خلاص وفكاك منها بصوم وعبادة شفافة خالصة لله وحدة رقيب بحساب سري ومكافئة في ختام أيام العمر.

ميم : مديح للمسلم والمؤمن العابد الزاهد في دنيا النزوات الطالب لحماية خالق هذه الأكوان والمتمني برجاء لجنه عدنان وفردوس الرضوان.

ضاد :ضياء وظل يحمينا من شر وساوس شيطان خناس مقيد بسلاسل مرسلة تفك في تمام أيام معلومة مقدرة من رب السموات.

ألف : إغاثة سريعة من رب قادر لبشر خطاءين سنه وطبيعة جبلنا عليها لينجينا من شر الآثام بدعوة صافية وصلاة بخشوع وحب صاف لوجه الله.

نون : نور وضياء ينير جبين طائع لله وأوامره وسنه نبينا المختار ، وتوبة نصوح لعاص في أيام مباركة. http://arrai.org/pages.php?option=browse&id=105290

رمضان هل علينا

= = = = = = =

رمضان هل علينا بضيائه ويومين ويغطي الكون

برحمة ومغفرة ده شهر القرآن وحب ورضوان

شهر فيه ليلة القدر بحكم رب الأرض ليها ميزان

شهر صيام وسهر وقيام وصلاة وخير يضيء للعين

حتى مشاكلنا وأي مشاحنات وضغائن في ثواني تدوب

نفوس مرتاحة هادية وأرواح سارحة في ملكوت الرب

حب وطيبة وحنيه رهيبة لكل الخلق بتملى القلب

حسناته صغيرة وكبيرة تصفي أراوحنا الصب

موائد رحمن فيها مسئول وغفير وبمسجد واحد تجمع بركات

شهر جميل مزين كل الكون بأنوار وزينات رباني مريحات

سهر بالليل لطاعات ظاهرة ومخفية وبنهاره صدقات وطاعات

محنن لقلوب عاصية ومحتارة يحولها لأطفال منورة بالضحكات

شهر فضيل محكومة أيامه وكمان معدودة لياليه بالساعة والثانية

خيرة كتير بركاته تعم وأنسى تعد أفضاله ده شهر المغفرة والتوبة

حتى أحداثة وانتصاراته سجل كبير من يوم الخلق علامة وميزة

شهر البركة بندعي يمر علينا وننول لنا قدر من مغفرته وخيراته

عمري كبير #حوليات

عمري كبير مش اوي على فكره

يعني يدوب كام سنه فوق التلاتين

قلبي شقي ولا طفل بريئ

اضحك وافرح فرحه كبيره من حاجه يدوب فتافيت

ازعل واغضب واصفى بسرعه

اعاتب واصالح بس احبابي

لما ببيع اجارك الله

كأني ولا عمري رايتك

مخي صعيدي وروحي من بحري

بغلط اه

بس اتحمل غلطي حتى لو مش اده

احب الناس واحب الدنيا

عايزه الاقي طريقه تخلي الدنيا دي جنه

افرح اهلي وكل احبابي

ابني الخير واهد الظلم

اثبت للعالم ان الابيض لسه كتير

وان الاسود يدوب الظل

خايفه يخلص عمري وانا ثابته مكاني

زي ما روحت زي ما جيت

لا عملت لاخره اجلي

ولا حتى فرحت بدنيتي

يا بني تعال

= = = = =

يا بني يلا تعال وقوام خلص

ده الشيب بدء على راسي يزحف

وحاسة بركبي بتخبط وكأني بعجز

وكبرت وبكبر باستمرار في ثواني

هتيجي وناوي ولا لسه هتتأخر

صدقني خايفة عليك مش اكتر

مش على نفسي خالص خالص

منتا لو جيت بعدين متأخر مضمنش

هتأمر وأقولك لاء مش عايزين

وخلاص سستمت حياتي عادي

ولأولاد أخواتي هربي واهاتي

وأترهبن واعمل فيها شيخه

ما خلاص مش فارقة

ولا عاد في صبر وروح

والفرحة راحت من قلبي

وأتحولت لنوع تاني غالي

حب سكن بقلبي ومبقتش

خلاص بدور تاني عليك

صدقني هتستنى لامتي

تعذب فيا وفيك بزيادة

هاه يلا تعال قوام يلا

خلصنا ودق الباب

عجبك يعني شكلي

وشكلك قدام الناس

عانس أنا عايشه

وانت عازب محتاس

يعني مش نفسك وبجد

حد يونس قلبك وحياتك

ولا حتى يناغش عمرك

ولا وايه المفأجاة الكبرى

حد ينكد يا روحي عليك

في الصبحية يطلع عينك

وفي الأعياد يزهق فيك

فكر كده يلا اوام قرر

بجد فايتك إثارة كتير

وجو رهيب بجد بجد

هتندم بكره بجد عليه

وتقول يارتني واه ياني

بعده او بعده مش فارقه

صدقني مسيرك يوم

تندم على عزوبيتك

O_0

مش أي حد

= = = = =

مش اي حد ده كان كل حد في إحدى فترات حياتي

مالك لزمام أموري

ماسك لجام لظنوني

بإيديه علمني أعيش

وبنناني وكوني من تاني

بفكره طيرني لفووووق

ساكني في سابع سما

نجوم وقمر نور بيتنا

وشمس وليل غطى يومنا

كلام غرام وحنين كان اكلنا وشربنا

خيال أحلامه وداني لجنه عدن

وفجأه ... !!!

لقيتني في نار ولهيب وسعير

في جهنم مع ابليس بتحرق وانصهر

رماني من دون أسباب

وبكل بساطه بيقولي خدي بالك من نفسك يا حبيبتي

إيه الاسباب .. ريحني

لكن.. !!

هيقول إيه ..

بعد وهجر لواحده غيرك

اكيد صعب

هيقول ايه..

احلى واجمل ومريحه لعيني

أكيد لاء

اصغر لسنين حياتي تعيشني

لسنين ضاعت وعذاب وهوان تعوضني

ايامي ولياليا هتفرفش لي

وسبني وراح ..

ادفع تمن غربة ووحدة وانانية كان عايش فيها

قلبي واعصابي وروحي مش فارقا

هيعيش هو بشكل جديد كفايا

وشبابه يعيد أمجاده مع طفولة ووجه بريئ

ودلال ودله

وهيام وولع

واتحرق انا مش فارقه !!

هو أنا أبقى مين ؟؟!! .. مجرد لعبه

يدوب تسليه !!

وفي بحور الوهم رحت ضحيه ..

ما هو كان لازم حد ينتهي ويضيع !!

ويموت اه يموت .. مش فارقه .. غيري كتير

حد قالي بضمير وجنون حبي واعشقي

في الامثال قالوا ...

ذنب ناس تخلصه ناس

وذنبي يا ناس هيخلصه مين ؟؟!!

مش عارفه !!

مش فارقه !!

ومش مهم !!

اتحرق أنا ..

ولا تسوى ...

.