الكمال #حوليات

الكمال كلمة صعبة لاحساس ووصف وحالة اصعب
حاليا اشعر بالكمال في كل ما حولي عندما اغرق بين طيات كتاب

فرصة للمشاركة في كتاب جماعي #حوليات

اعلان هام جدا عن مجموعة كتب من دار أكد للنشر والتوزيع المساهمه بها مجانية

هي سلسلة تكون المشاركة فيها مجانية وتمول نفسها بنفسها خدمة لكل من تقترف ويقترف الكتابة ...

المجاميع هي :
1- سلسلة الخيال العلمي وما وراء الطبيعة .
ا- قصه قصيرة

2- سلسلة الرومانسية .
أ- شعر
ب- خواطر
ج- رسائل

3- سلسلة الإنسانيات.
ا- قصة قصيرة
ب- رسائل
ج- مقال

يأتي المشروع تماشيا مع خدمتنا لرسالتنا في نشر مايستحق واعطاء فرصه لاقلام شابة اقفلت في وجهها الابواب وصدتها عقبات النشر وتكلفتة................

قررت دار اكد للنشر والترجمة القيام بمبادرة لنشر الاعمال المتميزه عن طريق النشر الجماعي لهم ايمانا منا برسالتنا وواجبنا تجاه اعلاء الادب العربي ووضعه في مكانه مميزة يستحقها عن جدارة ........

ولذلك قررت دار اكد فتح باب قبول الاعمال ونشر المتميز منها في هيئه سلسلة علي ان يكون :

1. العمل جيدا ومراجعا لغويا
2. الا يزيد عدد المشاركه الواحدة عن الفين كلم للنصوص والقصص
3. الا يزيد الخواطر والشعر عن صفحة ونصف A4 او ثلاث صفحات قطع صغيرة



(( والمشاركة مجانا ))
ملحوظة :
1. يتم البدء بالعمل عند اكتمال المشاركات
2. يبدء تجهيز السلسلة التي تتجمع مشاركتها اولا ثم التالية
3. يتم كتابة السلسلة التي ينتمي اليه العمل المرسل

https://www.facebook.com/events/580203782049785/584985331571630/?comment_id=585217474881749&notif_t=event_mall_reply


ترسل الاعمال على الرسائل الخاصة بصفحة الدار

https://www.facebook.com/AKADtpd

https://www.facebook.com/akadakaduoss?fref=ts

ارضي

كليوباترا

رومانسيات #حوليات

الفرحة #حوليات

الفرحة

من جوه قلوبنا مسروقة

وكأنها

بخيوط الحزن ملضومة

تشاغلنا

وتجري في ثانية

تلاعبنا الأوله ( الحجلة)

نطة يمين وتانية شمال

وفي غمضة عين

تروح من بين صوابعنا

الفرحة

ملك للسيرتون

مختفي وفجأة يظهر قدامك

جبار وقوي

يغير كل حياتك

ومن تاني

يختفي وحياتك

الفرحة

وردة وزهرة برية

ملهاش لا عزيز ولا غالي

تروح للي تحبه

تحب تلاغي وتشاغل

الفرحة

طفل بريء

عايش بمزاجه ورايق

لهموم الدنيا ولا داري

الفرحة

قوس ألوان

في حضنه نلعب وننام

وفي الأول والأخر

الفرحة إحساس جوه الإنسان

الثلاثاء 21/5/2013م الساعة 11 ص

نزوة #حوليات

كتباها من زمان بس لقيت انها مناسبة كاحد حقائق الحياة الكثيرة جدا التي نتعايش معها ونعيشها

نزوة

= = = = 

مجرد نزوة وعدت تضيع وقت

لحظات عابرة وياه راحت ضاعت

مشاعر واهية فراغ نملاه

قصر خيالي بنيت بهواه

أحاسيس ومشاعر خايبه وغدارة

خدتنا حتى من نفسينا بكل مرارة

وفجأة فوقنا وورانا دماره واقعنا

دمعنا وبكينا وموتنا جوه نفسينا

واهو طلعت مجرد نزوة لمزاج عالي

تضيع وقت لما يفرجها علينا المولى

ملك الموت #حوليات

ملك الموت بحصد في الأرواح ، عايش بتنقل بكل راحة وبراح ، قدر ونصيب عمر ومقدر ، مش محتاج لسؤال وجواب ، للميت راحة ونعيم ، يا رحلة لجحيم وعذاب  ، لينا قسوة وفراق لبعاد أحباب ، ما هو لكل بداية نهاية ، ولكل نهاية بداية ، ولكل موت ولادة ، وبين هذا وهذه ، حياة كاملة ، سرد لرواية ، كتابة حكاية ، وقصص مروية ، وتتبع لحياة، خط سير نتبعه ، فيها مسيرون ، في حدود مخيرون ، ولما خلقنا له ميسرون ، بكتاب عليين ، بالأرض الولادة والبداية ، وبالسماء الحساب والنهاية ، بداية النهاية ، لدنيا فانية ، ونهاية البداية ، لآخرة متمناه.

هي دي كل الحدوتة ، وتوته توته فرغت الحدوتة ، مش نهاية عربية ولا هندية ، دي نهاية بأيد رب كريم ربانية ، طريقين مفيش تالت نار وجنة ، وأنت وعملك يا عبد وربك ورحمته ، واهي نهاية جواها البداية ، وبداية متعشق فيها النهاية ، وتدور الدايره ، وتلف الدنيا ، والحيرة والتوهه في سنينا عايشه ، لا هي بتوقف ولا بأيدينا في الترس نثبت ، ولما تركز تلاقي مش كل حاجة في الأساس هي دي طبيعتها ، ولا كل أبيض في الأساس أبيض ده لونه ، ممكن بكل بساطة يكون وش بويه ، شوية نار ويرجع أسود لأصلة.

كائن متوقع #حوليات

= = = = = =

أنا كائن متفتح طول عمري

لكن فجأة بقيت متقوقع

وجوه قوقعتي

عالم تاني كله دوشة

كركبة لخبطة

خبط وتخبيط

لكن بنظام يراعي البني آدميين

في سياسة آه والله سياسة

لكن منتظمة على حد السيف

لا غش ولا خداع

لا كدب ولا نفاق

ولا لعب كوتشينة و7 ورقات

وفي فن وكوره

لكن إيه يا سلام

حاجة نضيفه بأخلاق

لها هدف مش أي كلام

مفيش عبي وزع كوش يا شقيق

والدين يلا مقلوكش

الكل حافظ فاهم

مستوعب بضمير

مش بس شريط يكرر ويعيد

جوه قوقعتي

الكل حنين خايف ع التاني

والدنيا ماشية من غير أي مشاكل

أصل مشاكلها معروفة

وأخرها على الله متروكة

ما إحنا نسعى ونعمل اللي علينا

والباقي نقول يارب أحمينا

ولهذا

أنا بعشق قوقعتي

جواها بحل مشاكلي

وأخرج تاني للدنيا

أعمل اللي عليا

واستنى ربي يفرجها

في معاد محتوم

أنا كائن متقوقع

لكن مش خايب

ولا قليل الحيلة

ومش راضي عن حالي

ولا عن الحلوة بلادي

وبدور بالعقل ع حلول

ومسيري في يوم

أقلب للدنيا من تاني

ويسمع حسي كل الكون

أنا كائن متقوقع

لكني غلباوي

في ثانية أثور

على ظلم الكون

http://kenanaonline.com/users/ALWATANULARABY/posts/540308

ثورة افكار وحياة #حوليات

قالوا
هذي ليست ثورة
هذه ليست سوى فتنه
لضعاف نفوس وتدين
تمت دون حياء

رموا من عارض منهجهم
بالإلحاد ومحاربة الإسلام
قالوا عبيد بياده
وهوجه عميان بغباء

تناسوا أن الأمة ضجت
كرهت عبادة رأس
فالله ميز بالعقل
بنو آدم وحواء

أشعلوا نارا بدماء مواليهم
ضحوا بأخلاق ومبادئ
مقابل سلطه دنيا
ما خافوا للمولى لقاء

قالوا سوف نحارب إخوتنا
لننال جهادا في سبيل الله
قريبا سوف يكافئنا الجبار
على رؤوس الأشهاد دون عناء

هذي ليست ثورة
قُلنا هذه محاولة
فشلت أم نجحت
لتغير أفكار وحياة

#ليل
#انجي_مطاوع