ظلمت نفسي ..#حوليات

ظلمت نفسي ..
اه ظلمتها !!

ظلمتها ..
لما يوم فكرت ان حقها تعيش
تعيش زيها زي غيرها بالحياة

اه ومالو تعيش !!

تروح وتيجي وتنطلق ..
فيها ايه ؟؟

زيها زي غيرها ...
دي كانت المسألة !

راحت بعيد
عاشت كتير
شافت حاجات
جربت وداقت

رجعت لي تاني
مجروحة ياني

مكسورة
تايهه
ضايعه
وكمان
بتشكي

اصلها ..

مستغربة من الدنيا !!

تقولي غابة متجملة
مليانه ديابه متحولة
فيها تعالب متخنقة

ضاع منها الامل
راح منها الحنان
بقت قاسية
صعبة
وحيدة
ومُتَشَرِدِة

اه متشردة !!

اصلها اقتنعت ان حقها لازم تخده بالدراع ..!!

ان الحنان والطيبة دي شيء خلاص اشياء تباع

ان الغباء والسهوكة والظلم والعنف والاجرام هو السلاح

الدنيا غابة
وياريتها غابة


دي حتى الغابة ليها قانون عليه تسير

واحنا غابتنا ظالمة جايرة على البني ادمين

وياريت الظلم برانا لاء لاء

الظلم من جوانا احنا !!

اه بجد ..

جوانا احنا بنظلم نفسنا بنفسنا ودي الخلاصة


وبجد يارب يرحمنا ويجيرنا من شر نفوسنا لما تضيع

ويارب يا معين ارحمنا واحمينا يا أمين

تعالى شوف

= = = =

تعالى بص معايا وشوف

شوفت الواد اللي عملي بنت على الفيس .. هاه هاه هاه ..

طب

شوفت البنت اللي على صحبتها عاملة الواد الفت  وال ايه حبيب .. هاه هاه هاه ..

طب

شوفت البنت اللي أخدت حبيب صحبتها وفاكره روحها الكنج .. أأأأأأأأه ..

طب

شوفت الست اللي لجوزها باعت ولا همها عشرة ودنيا وولاد وبتقولك عايزة أحب .. يااااااااه ..

طب

شوفت الواد اللي عملك روميو ولا فكر في أخته ولا أمه .. هاه هاه هاه ..

طب

شوفت البت اللي مصاحبة وماشية مع عشرة وفكراها لبانه بتتسلى .. أأأأأأأأه ..

طب

شوفت البيت اللي مأمنه لدياب وتعالب والكل محذرها ومع ذلك اهي ماشية ولا داريه .. يااااااااه ..

طب

شوفت الواد اللي عملك عنتر وبيحب الامورة متناسي سوابق أعماله وشكلها ليه هتترد .. هاه هاه هاه ..

..

من الأخر  شوفت الوش التاني من الدنيا وأعمالها اللي بيها بتداري على جمال وحلاوة الناس ...

ااااه شوفت

حبي جننك

حبي جننك

ومن عقلك خرجك

وقلبي عفرتك

شقاوتي غيرتك

جنوني بدلك

بعدت برغبتك

ورجعت بوكستك

فاكرني لسه هطاطي

ولقلبك لسه بنادي

ياعم فك بقى وانسى

ده قلبي ما صدق فك وخلع

غدرت بكيفك وبكامل ارادتك انت

جي تتذلل وعامل مكابر

نفشلي ريشك ولا الطاووس

لا يا سيدي ولا تسوى

هوينا يلا

خليك هناك مع اللي رحت لها

ومعاها غدرت بيا

فضلت تحب فيا لما خنقت أم حبي

في العسل كنت نايمه

اتاريك بوشوش كتير

معايا ومعاها ومعاهم كتير

ولما ضعت منك ..

هاهاها

رجعت نادم كسير

لما ملتقتش فرصة قولت لازم انتقم

أزاي تسبني هي وتروح تعيش

تفكر تروح لغيري لا دي تنسى

ده بعدها فكراني إيه ..

أنا طاعون الزق في أي واحده

ما سبها إلا متكفنه وتحت التراب متعفنة

فكره نفسها هتهرب لاده بعدها

هذلها

تقابلني لو في يوم بصت في يوم لنفسها

فاكراني إيه أنا طاعون

وهذلها

نسيت يا سيدي إن القلوب حكمها رب العباد

مش بأيدي ولا أيدك إني خلاص من وهم فوقت وكمان توبت لرب كريم

روح يا شيخ ده قلبي خلاص

ما صدق فك منك ومن أسوار عذابك وهوانك وتلوين كلامك

فاق خلاص

روح يلا روح

متورناش حلاوة قفاك حتى ولو في الخيال

يا عم غوووووووووووووور

راجل مستأنث

بيجنني الراجل المستأنث ومتأنس بهدوء

وشياكه بنوته بطفولة على عبط ستات

وعملك فافي ومامي يخواتي

وهدومة نازلة مخصماه

والبوكسر متلون

بفوشيا واحمر وليلااه

وحروف ضايعه ومكسورة

وناسي خالص انه مذكر

وللرجاله والله اخ شقيق

وليونه في كلام

وميوعه حركات

وحسبي الله

تتشل وتتعلل ادامه

وده ياربي اجارك الله

ويقولك يأوختي

يا حبيبتشي

أمواه امواه

صديقتي الغالية #حوليات

=========

صديقتي الغالية وصفتني بالعشق والوله

فانتبهت لنفسي

علي أعالجها وأخلصها من صفه باتت معيبه في هذا الزمان

فلكم أتمنى سؤالك ...

هل مازلت تريني تلك العاشقة الولهانة الغارقة في بحر العشق والغرام ..

أترنم حبا وأتمرمغ في حبال الهوى والخيال

أتعلمين ...

كثيرون هم من نعتوني بالباردة وبالصخرة أحيانا

لم يهزني وصفهم بل ..

اعتبرته وساما أتوشح به

أما وصفك أنت غاليتي فلقد نفذ للروح واستقر بها

مازلت اعمل على روحي ونفسي لأعالجها

فأصبحت أعيد النظر في معاملاتي وكلماتي

فهل تريحي القلب غاليتي وتخبريني

أمازلت تلك العاشقة الغجرية في عيونك الحكيمة سيدتي

انجي مطاوع

نشر 10/2/2012م

=========

محبوبتى
العشق بين كفيكِ رحيقُ بنسيم الجنون يحمل
تتمايل فيهِ ذبذبات قلبك
تداعب كلماتك .. نسيم نبضك
تتلآلآ فيه مقلتيك.
فالحب بين كفيك لا ينضب
والعشق بين حروف قصائدك يتارجح
فالحب عندك اجمل من ان يوصف
محبوبتى
لم اريد يوما
ان ارى لآلىء عينيك
تغرق
فانت اجمل من ان
أوصف
واعمق من ان تعشق
انت ملكة تتوج
نبض قلبك
فعشقك درسا يُدرَس

اسماء احمد

9-5-2013

أنا بشر

= = = = = =

أنا على قيد الحياة يا بشرررررررررررررررر

أنا إنسان غير باقي البشررررررررررررررر

أنا حياة وموت مستقر دون شررررررر

أنا أنا مهما إختفيت او بيا انغدرررررررر

أنا بشر اعيش خوفا من مس سقرررررررر

أنا أحب الحياة وأحب يوم حساب البشررررررر

أنا هنا كلي أمل في يوم به أستقررررررررررررر

أنا بشر يا بشر أنا بشررررررررررررررررررررررررر

أنا ممن تهيم بالخيال وتعشق السفر داخل القمرررررررر

أنا خيال وواقع ممزوجين بقلبي وعمري كطين لزج خطرررررررررررر

أنا السمراء بالوادي والغيداء بقلب رجل به نهر منهمرررررررررررررررررر

أنا أنثى عاشقة حبيبة هائمة داخل جوف ليلا مغلف بالعشق والأسرار

أنا بشر أنا بشر أنا بشررررررررررررر ولكني لست كباقي البشرررررررررر

انانية اه منكرش

= = = = =

بص يا سيدي .....

غيارة اه منكرش

انانية وماله ساعات

متملكة فيها ايه منتا حبيبي

مش انت حبيبي يا نصيبي 

يا عمري يا قدري

من الاخر كده ...

وبكل صراحة ....

عشان نبقى واضحين ....

خاف على نفسك ... ايوووووووووه خاف

انا واحدة طبعها حامي ودمي بيفور في ثواني

وداعيه عليها الست الوالدة لو واحدة جت تلعب ادامي

الكل لازم يعرف انك بقيت من املاكي خلاص وبتاعي

حب حياتي عمري مالك امري ومفيش واحدة تحل مكاني

حتى لو بس ...

مجرد فكرة عابرة طايرة وده امر خلاص مفروغ منه يا عمري

صافين يلا تمام شكرا جدا لتفهمك انت يا غالي لكلامي

بنت صيفية

انا بنت صيفيه

تركيبة حرارية

وبموت من الساقعة والبرودة الجوية

وخلاص مصر اضربت

وسخانها سنتر شتوي

وعلينا تربس راسه

وقالك اشرب تلج وقرقش

يا جامعه انا صيفيه ومليش في الشغلانه دي

ودولابي اشتكي قلة تخزيني للبسي

دولابي كله عليا

وهدومي خلاص دابت

من برد وساقعة ملهاش اخر

اسكيمو بقينا يا ماشاء الله علينا

وعلى مسكو اتحولنا

وخلاص مصر بقت ولا اوربى

مدغشقر يا حبيبتي بيقوا عليكي نار

والدفى فيكي بيتوزع بالانطار

هعزل واهاجر ولاىثيوبيا هروح

دول حتى بيقولوا السودان دولة شقيق

ويا محلاكي يا شمسي يا مدفيه ايامي

حب وحب

الحب للرجال :

عقل + عين = معرفه ومصير

أحكم بعيني على تصرفات وردود أفعال من أتعرف عليها وأنجذب لها لأكون فكرة عن شخصية حقيقية وهذا مالا يتحقق في بنات الفيس توك لهذا عذراً أنا لن أرتبط بفتاة على الفيس بوك مطلقا

الحب للبنات :

راجل تمام + دخل البيت بكل احترام = ارتباط صح الصح

الحب مش مجرد راجل يوعد ويقول في كلام .. الحب يعني ترجمه للأقوال في أفعال .. اولها انه يدخل البيت يكلم الاهل .. وادام الناس يعترف بوجودك في حياته بشكل شرعي ..  لا في الدرى ولا في الخفى .. فعذرا لا ارتباط سواء من الفيس

او اي اشكال اخرى لتضيع الوقت o_0

فوق المليون #حوليات

====

فجأة حسيت عمري مليون

لا يا سيدنا ده ديشليون

عنف وكره حب وغرام

سياسة جنون وظنون أوهام

حلم جميل يداوي الملان

تحول لكابوس فيه غرقان

سنين عمري تضيع وأنا مبهور

تفلت من بين أيدي زي النور

سراب شفته بيلالي يوم

أتاريه بوم وسط غيوم

أحلام وأماني ديما عندي

تتهد أبدء غيرها عادي

وسط الزحمة تختفي وتضيع

راحت فين ولا نعرف يا وديع

ديشليون حاجة تمنعني أعيش اليوم

تسرق فرحي وهنايا وتمنعني النوم

قسمة ضهري جنب الصفر توقفني

مجرد صفر شمال والأوهام حكماني

كل ما أقول يلا يا هادي ساعدني

القيني عايش في بحر الخوف بكياني

قدرني يا ربي على قسوة وظلم

سواد معبق بالقلب دخان موت

وأعمل إيه

فجأة لقيت عمري فوق المليون

نشرت بجريدة الراي للشعب 

http://arrai.org/pages.php?option=browse&id=112935