اياك اياك #حوليات

اياك تحزن

 وتبكي عنيك

وتعيش محزون

مجننك

عمايل الكون

هي الدنيا

ديما دايرة

لفة الضحكة

جوه سكون الليل

ومعبية

صوابع الفرحة

جوه زخارف

ألم وأنين

كر وفر

هروب وشجون

حب ودمع

مغطي عيون

البني ادمين

ورد وفل

منور

حر وجمر

منغص ليالينا

لخبطة

لعبكه

في تشكيلة

ضمنا في الكون

طفل بنحبي

في عنيها

بحنين مدفون

وكله في يوم

يتكافأ ويكون

مجبور

ان شالله يارب

في اليوم الموعد

مع رب الكون

قلب حاميك

إحساس خنيق

تتمنى قلب يضمك

قبل ما تنطق يجاوبك

يقولك معاك وجنبك

إياك تخاف وياك وسندك

يا عم أجمد وقوى قلبك

أتمنى أوي وجودي معاك

للنهاية تلقيني حميتك

قلب

وقت ضعفك وقوتك

عقلك وكمان شقاوتك

وقت انهيارك وحاجتك

واقف يصد جنبك

بلاش تنهدات تحرق لروحك

أوعى تبكي وتشكي لحزنك

من غير كلام صدقني حسك

قرب مني .. ده أنا حمايتك

مش مشاعر رومانسية تضمك

أمنية حماية وأمان باحتوائك

وآه يا قلب لو تيجي وألاقيك

تقولي جنبك أنا وحاميك

يا ناس يا بشر

= = = = =

يا ناس يا بشر

قلبي في خطر مر

داب واتفتت وراح للقمر

سبني وعليا أنا بيتأمر

خلاص مهاجر الدار

رايح للحبيب مغادر

سيبك أنت يا غادر

رايح للي إحساسي اختار

هدوب فيه كمان وانهار

وبدون حساب وبالقنطار

ومش كفاية ده أنا نار

هورية بالليل النهار

هدوقة حبي الجبار

هعيشه سنين فوق أي اختيار

مفيش فيها اي تعب او إجبار

يشوف بعيني عشقي كأنهار

بحر ومحيط ميقدر يوصفه مليار

يا بشر قلبي بخطر منهار

أعلن الاستقاله غرق بالآبار

يا ناس يا بشر

انجدوا قلبي ده هرب مني وطار

قلبي طفل بريء ماليه الاستهتار

والله ما ليه بالألغاز ولا الأخطار

يا ناس يا بشر

كلمتين وحرف

= = = = = =

هما كلمتين وحرف والباقي كله خرف

اسمع يا سيدي هما كلمتين وحرف

تيجي تقولهم على الرأس نشيلك

وبنن العين نصونك ونشيل حمولك

لكن تخاف يبقى الباقي كله خرف

وبسهولة روح لحالك شوف قدرك نصيبك

أصل ما يلزمنا منك حرف ولا حتى حبك

كلام ممكن يسكنك والباقي خليه ع الطرف

أصل فيه كلام ممكن يسكنك

وعد وكتاب بدون كلام بصمت تفهمه

كلمة تعشقك وتقولك جايلك في مهمة

والباقي ملوش لزوم خليه على الطرف

هيتعبك ويعذبك ما تفهمه ده رسول وصيني  

كان أيه بعتني لسكته ارحموني وأبعدوني

والخلاصة في النهاية

هما كلمتين وحرف والباقي كله خرف

كلام ممكن يسكنك والباقي خليه ع الطرف

فوق المليون #حوليات

====

فجأة حسيت عمري مليون

لا يا سيدنا ده ديشليون

عنف وكره حب وغرام

سياسة جنون وظنون أوهام

حلم جميل يداوي الملان

تحول لكابوس فيه غرقان

سنين عمري تضيع وأنا مبهور

تفلت من بين أيدي زي النور

سراب شفته بيلالي يوم

أتاريه بوم وسط غيوم

أحلام وأماني ديما عندي

تتهد أبدء غيرها عادي

وسط الزحمة تختفي وتضيع

راحت فين ولا نعرف يا وديع

ديشليون حاجة تمنعني أعيش اليوم

تسرق فرحي وهنايا وتمنعني النوم

قسمة ضهري جنب الصفر توقفني

مجرد صفر شمال والأوهام حكماني

كل ما أقول يلا يا هادي ساعدني

القيني عايش في بحر الخوف بكياني

قدرني يا ربي على قسوة وظلم

سواد معبق بالقلب دخان موت

وأعمل إيه

فجأة لقيت عمري فوق المليون

نشرت بجريدة الراي للشعب 

http://arrai.org/pages.php?option=browse&id=112935

بتحبيني بأمارة إيه #حوليات

إنجي مطاوع

= = = = = =

بتحبيني بأمارة إيه واجهي ظنونك

وإية ذنبي في جنونك وفتونك

لا شاورت وشاغلتك ولا كلمتك

ولا حتى في يوم لمحت بسيرتك

غاوية التوهان بضلام حالك

روحى فوقي وشوفي حالك

اخترت شريكتي بطلي غيرتك

سبيني أعيش في هدوء وحياتك

ونصيبك مسيرة يجيلك

ويدق مخصوص الباب لك

كلامي معاكي والله عادي

وإنتي أ ..... أ .. أختي عادي

مش اكتر ولا حتى أقل يا ستي

يبقى ليه تحبيني وتشاغلي سكوتي

ورسايل ملهاش لازمة ولا داعي

وفي قيمتك قدامي بتقليلي بدون داعي

بتغني وتقولي مواويل وغناوي عليا وعشاني

بتقولي فارس والهام أشعارك وظلماني

على كل لسان سيرتك جايه بهيافة

ويا بنتي عيب خليكي تقيله بلطافة

وكأني الابن الضال ... عليا ملهوفة

مشكلتك انك في الأوهام عاملة مكسوفة

طب احبك امتى ... ولية .... وازاي ؟؟!!

أقولك يلا بعيد .... وحياتك مش فارقة ازاي

كل شيء

رسم محمد عزام

كل شيء ما بينا مات

حتى صوت السكات

وضاعت ما بينا الذكريات

وكل مانفتكر اللي فات

نقول ماضي كله آهات

نتألم ونبكي اوقات

نضيع وسط الحاجات

لكن لينا رب موجود بكل الساعات

ينشلنا من وسط توهة كل الحكايات

اعترف أنه ظلمني

اعترف أنه ظلمني

= = = #حوليات تدوينية = = =

جاي بكل بساطة تعترف

تعلن وتقول إنك عارف

بقسوة خيانتك وجارح بإحتراف

حلفت كدبت بقدرة مختفية

قدمت حب وغرام وحنيه

حنان أمان ضاعوا في ثانية

قولت ليكي بقلبي سكن وقرار

كدب وخداع مثلت فيا الانصهار

جارح أناني وحبك كله مرار

قولت شاعر ساحر حبيب

قلب أبيض صاف عجيب

وافي حنين بريء وقريب

قولت بتعلم الحب من طيبتك

قربت وما قدرت تحتويني وسامحتك

مخبي ظلمك غدرك وحتى خيانتك

قولت معاكي إنسان جديد

أتاري من البداية ناوي تغدر

دلوقتي اعترفت ونادم بجد

عايز تاخد مني انتقام حزين سكني

انتقام ملوش ملامح لكنه بيداويني

عايز بابتسامة وش لوهمي تسلبني

جاي تعترف أنك خنتني وظلمتني

لما أنت فاهم

لما أنت فاهم

= = = = #حوليات تدوينيه

حبيبي

يتقرب ويحكي بكلام كله ذوء

يدخل القلب يحتله بهدوء

أصلة فاهم وراسي أوي كده وتمام

لكنه غاوي يعمل فيها جامد همام

فارس وطاير راكب حصان هلكان

مغامر وبحار في مركب غرقان

رومانسي تقلب جد يزوغ

واقعي يحب موت يراوغ

مزاج جامد لكنه بلوه ومصيبة

ودنيته ديما ماشية عجيبة

وعايز حبيبته تيجي تقوله غريقة

وهو بسرعة يحولها ألش في دقيقة

أصلة فاهم وراسي أوي كده وتمام

لكنه غاوي يتعبها ويعيشها ف الأوهام

 

قالوا 7 ورقات

= = = = = = =

#حوليات تدوينية 

= = = = = = =

قالوا

بيلعب بال7 ورقات

يا بنتي ده بتاع بنات

تعلب وسط الفرخات

لكن ..

قلبي رفض

عند لغرض

وبالغباء مرض

وقال ...

ده حنين وطيب

قلبة ابيض ما يتعيب

من زمن فات ده حبيب

عايزة قدري

وكمان نصيبي

حبيبي وخليلي

وأدينا ...

شهور وعدت أهي

وطلع حبيبي ساهي

وسبني أروح لدواهي

بتسأل في ما بينا إيه

بتسأل ما بينا إيه  ما تسأل نفسك

حيران تايه وشوية وتبكي على حالك

مش فاهم مالك وإيه جرى وحصل لك

محتاج أجازة تفكر وتشوف كل أمورك

حاسس بفوضى وفراغ  بيجري  جواك

هوا يصد ويرد وسراب وتوهه ملياك

مش لاقي ولا حاسس أي مشاعر لهواك

بتسأل في ما بينا إيه مش حاسس نفسك

عايز تبعد يمكن تنسى وترتاح من تعبك

أو تعرف انك بتحب بجد وترجع لحبيبك

بتسأل عن الإجابات وكأنها ألغاز لحياتك

برحتك يلا وخد بالك مضطرة اعمل زيك

يسأل ويستغرب هو صحيح في ما بينا أيه ؟؟!!

#حوليات تدوينية