حكاية سنين

ونبدأ الحكاية من الاول مع أول ثورة في العصر الحالي لشعب مصر لكنها كانت ثورة مزاج ثورة عسكر وجيش مش شعب تعبه الجراح.

في البداية كانت ثورة ضباط أحرار بقيادة محمد نجيب مش قائد بجد شوية ضباط واختاروه قائد كبير استغلال للمكانة واللقب الكبير عشان يتحمل المسئولية لو الثورة فشلت وعاش الملك مات الملك نجيب كش ملك في يدوب سنه.

جمال عبد الناصر كان غاوي خطب ودى الجنود اليمن وتقتلوا ورجع يدي خطب ونيم الشعب آسفة لمعجبيه بس أنا طول عمري مقتنعة ان كلامنجي بنى السد غطى على كل شيء سيء أتعمل بسد لسه للان عايشين عليه من الإخوان كان فرد تمام لكنه بعد عشان يعيش ويا شعبه حياة تمام وأخرته سموه الإخوان وهذا كما تقول الإشاعات ويبقى في النهائة قائد استطاع رفع هامة شعبة عاليا ولم يخضعه او يعرضه للاذلال امام اي حاقد.

أنور السادات موال تاني وتالت وحكاية لا ليها بداية ولا نهاية اسجن زمان وفي عصره سجن وعذب أي صحفي أو صاحب قلم أو حتى سياسي معارض ليه لكنه أخد القرار الصميم ورجع سينا بحرب عبقرية الذكاء وخرج من معتقلاته الإخوان يضرب بيهم أي معارض شيوعي أو أيا كان ولكن للأسف أتقتل على أيد صحاب زمان وسط عرض لولادة ويوم فرحته بيوم ميلاد جنود كتير وفي الاول والاخر نفضل مجتمعين على انه القائد الماهر الفذ صاحب نصر اكتوبر والعبور المجيد.

ونهاية ثورة الكبار ضد الملك كانت على أيد محمد مبارك ويا عيني على مبارك حكم فترة باحترام ورجع طمع أشمعنا حتى مساعديه ما هو إذا كان رب البيت بالدف ضاربا فشيمة أهل البيت إيه غير الغناء والظلم بقى فجر في كل مجال ونهايته كانت بثورة من شعب أتخنق.

قامت ثورة نزل الإخوان يوم 28 بعد ما كانت طول 3 أيام من يوم 25 يناير ثورة شعب عايش في الميادين بقت ثورة عنف في كل البلد ضرب تكسير والسجون أتفتحت والخبر الأكيد كان تنحى مبارك يوم 11/2/2011م.

ونبدأ اللعب من جديد لكن مسك العسكر قلب الدنيا عذب وسجن وقالوا البلد فيها خونه كتير لكنه معرفش يحكمها صح وأتقلب الشعب عليه وكان مينفعش يفضل ماهو معدش مصدر ثقة غير الجيش ومستحيل يضيعوا الأمان والثقة منه هو كمان وقالوا يلا يا شعب روح انتخب.

ووصل الإخوان وقالوا انتخابات وفوزنا رغم أنهم من قبلنا عارفين ان الانتخابات كانت ليهم لعبه اتلعبت صح واستغلوا الشعب وانتخبهم وسط شكوك في فوز شفيق وتهديدات بالعنف لو الإشاعة صحيح وخدوا كرسي السلطان السلطة الكبيرة والمقام الرفيع.

محاولة سيطرة وتعويض سنين قهر وعذاب وحرمان عقد نفسية من قهر السجون لسنين طويلة وقالوا هنعمل كتير عشان الشعب الطيب وفي الأخر كان الريس بفرض حسن النية أضعف من كل اللي حط نفسه فيه ، استضعفوه جماعته قبل الفلول وقبل المستغلين وقبل كل من له مصلحة ووقع ، وقع عشان ضعفه قبل أي حاجة تانية ونسيب الاتهامات الحالية نعتبرها كأنها مش موجودة ونقول عليه راجل العب بيه مهما ننكر يفضل رئيس ضعيف فشل يحمي نفسه قبل بلدة ووصلنا للي إحنا فيه.

الشعب أتخنق بسرعة خلال سنه ثار عليه زي ما قال لهم مرة ، قالك لاء مش لاعب فيها يا أخفيها دمي أنا وجماعتي يغطي البلد ومش هسيب الحكم ، طلعوا شيوخ قالوا لاء مش ثورة دي انقلاب كفرة علمانيين ضد الإسلام والدين ، يا عم أنت اهدي اتقي الله عايزين نعيش بكرامة مش اكتر لا فيها كفر ولا شغل المتنطعين.

ودلوقتي البلد أتنين لاء لاء تلاته ، تلت مع العسكر والشرطة رغم إننا عارفين كويس أوي الشرطة وعميلها ، وتلت مع الرئيس يا حبيبنا يا ريس ومنهم بيقولوا مش إخوان إحنا بنحمي شرعية صندوق دنست لما عزلوا الريس (ليه هو مش إحنا اخترناه وهو قال ثوروا عليا ليه ما مخترش حقن الدم وراح ؟؟) ، والتلت التالت لا هنا ولا هنا فريق اللا فريق عارف مين هما الإخوان وعارف مين هما الشرطة وعارف أنهم مجرد لعبة مصالح وسياسة يدفع تمنها الشعب.

يا شعب طيب وكل اللي بتتمناه حياة بسيطة كريمة سايب الكل يلعب بيك ولا انت فاهم ومسيرك تنفض الكل وتقف صخر والكل ترميه في بحر غويط.

إنجي مطاوع 

#حوليات
#حوليات تدوينية